Con Bik Zuk Lem Falam Khawpi Ah Sunglawi Zet In Lawm

Pu Con Bik Zuk | Zuktu; Thawng Hmung

Chin santhuanthu phurtu, Myanmar rampi ih theihhlawh kan Chin mi hruaitu Arsi ropi Pu Con Bik ih zuklem kher mi cu tuini ah Falam khawpi ah sunglawi zet in an hmuak.

Chin paraltha Con Bik ih zuk lem cangsuak dingih tawlreltu Salai Van Cung Lian cun a mah roriin Falam khawpi ah a phurih tuini January 6, 2017, sml 1:00 hrawng ah zuk lem phunnak ding hmun Falam khawpi ah an thlen. Falam khawipi thlenhlan Sunceu khan lan ihsin Tlaisun pawl in Lai lam le khuang le dar thawn nasa ngaiten an rak hmuak.

Con Bik ih zuk lem hi thaisun ah a mai suahnak hmun Tlaisun ah fehpi an tum tiin Salai Van Cung Lian cun Chinland Today Media hnenah a sim

Hi mizuk hi Falam puaipi February 17-20 karlak ih neih ding mi ah pholangnak neih a si dingih cumi theh ihsin Falam khawpi ah an phun ding.#

Comments

comments

Comments

%d bloggers like this: