COMPUTER LE NUNAU AN BANGAW

Computer le Nunau an bangaw 

Computer kan lei tikah, nei lenlen ih lei a um lo, nunau thil kan do tikah nei lenlen ih do hnakin, kan neihsun ih do a tam sawn. Computer cu kan ta a si ih, kan thuhnuaiah a um hmang kan ti nan, hman theih ding cun a lungawi ve a tul bangin, nunau khal kan thuhnuaiah an um hmang ti laiah, hman/ fial theih ding cun an lungawi a tul.

 Computer hman theih dingin Program kan thun bangin, hman theih ding cun nunau thinlungah an duhzawng kan thun a tul. Computer ah Software le Hardware a um bangin, nunau thinlung khalah a neem le a hak a um. Software kan tham siat cun a tuah a ol bangin, nunau khal an ngol bum cun lem an nuam, nan Hardware kan tham siat pang cun Engineer pan a tul bangin, nunau khal an sa huat kan dai ngah cun Pastor pan a tul.

 Computer ah Software tharthar thun a tul ih, Virus hlon a tul ringring bangin, nunau khal thil suak thar an lawm ih, leisak an duh, cumi tuah lo cun an thinlungah Virus kan thun hi a si bik ko. A cem netnak ih Computer nei pawl an sirawk theu nak cu, “Aw, vun hngak deuh sehla, hi hnakih tha le suak thar ka lei thei ding nan” an ti bang in, “Aw, hngak deuh sehla, hi nu hnakih tha ka nei sawn ding nan” tiah mipa pawl in an sim theu.

                                                By Hniangsinpa

Comments

comments

Comments

%d bloggers like this: