Composer’s Musical Night Thluangten Tthehsuak!

12063658_10156073674310035_1250815768930734089_n

Van Tuah Piang

Chinmi 10000 lenglo umnak Indianapolis khawlipi USA ah Chin TV ih pekmi “Lifetime Musical Achievement Award” ngahtu pahnih Salai Thuah Aung (2014) leh Salai John Tinzam (2015) sunlawihnak “Composer’s Musical Night” (Unplugged) cu tluangten September ni 26 zan ah Chin Center ah tuahsuak a si.

Mipi 150 rual suakkhawm in, zan 8:30-11:30 pm tiang hlunghlai zetin hman a si. Announcer pahnih Mai Iang Nei Mawi leh Albert Lal Hum Tluang in felfai zetin caan an lak ih, Chin TV Chairman Pu Peter Lalsui Thawnghmung in ong nak a nei ih, cutin hlakhat hnu hlakhat Salai Thuah Aung le Salai John Tin Zam in an sak vivo. A lai hrawng an thleng ah Chin TV ih Executive Producer Pu Van Tuah Piang in lungawithu simnak leh hivek in pakhat le pakhat cawisawngtlakmi kan cawisang awkthiam vivo a ttulzia a sim ih, Salai Cungpi in Salai Thuah Aung ih phuahmi Pathian hla a sak nak in caan a hmang ve.

Hla fing 28 lai an saksuak ih, mipi khal in an hla pawl projector thawn nganmi aipuang zetin an sak bawm ve. A cemnak ah Pu Than Hre (Chin Bros.) ih thlacam nak in tluangzet leh sianglo cingin puai an tthehsuak. Awnmawi tumtu pawl cu GiG band an si ih, Guitarist Ozzy Lai Lung Lian, Bassist Salai Tuk Tuk, Drummer Salai Za Lian pawl an si. Himi caang suak dingih tawlrel tu cu Chin TV leh ICC (Indiana Chin Community) an si. October ni 10 zan khalah Battle Creek, MI ih Burmese Center ah tuahsal ding a si.

12072578_10156073674315035_1364155519346408497_n

(Visited 151 times, 1 visits today)

Comments

comments

Comments

%d bloggers like this: