Color le Thinlung Put

Color le Thinlung Put

 Francis LalUk
A pawl (Blue)

(American mi tamsawn ih uarhleice (favorite) color cu Blue a si)

# Blue uartu pawl cu dairem teih um duh pawl an si hleiah thinnuam teih um duh an si bet.

# An saya le an rualpi t’ha pawl parah rinumzet mi an si tlangpi.

# Mi tinkim an duhdawt thei. Mi’h hrang hnat’uan an taima zet.

# An hmuitin a sang thei zet.

# Thuthup phuan an hmang lo.

# A kiangkap thawn remten a um thei.

# A duhdawt mi pawlah theihthiamnak a nei sau theizet ih a rin-um fawn.

A Sen (Red)
(Tuluk pawlhi a tlangpi thu in a sen uarhleice miphun an si)
# A sen uar tu pawl cu a tlangpithu in an fimvar ih an thluak a cak.
# An umtlang le an hoiher a cak ih a tlakvat a t’ha.
# A t’ulzat hnakih tam an duh t’heu, ( a duhham deuh).
# An thilneih mi pawlah a t’ha an duh thei zet.
# An thin a tawi. Maih hrang lawng ruah an hmangih mi neh duhnak thinlung in a khat.
# An thinlung a hngetkhoh ih an ral khal a t’ha.
# Taimak an suah thei zetih thil pakhatkhat ngah tengteng dingih zuamnak an nei t’heu.
# An palhlonak ahcun malte hman mawhthluk duh lo pawl an si.
# Zuamngamnak lam an neiht’hat ruangah mi hmingthang a si thei t’heu.
# Mi entai le mi do khal an hmang.
 A rang (white)
# A rang uar pawl cu mi daite le thiangfai an si tlangpi.
# An thinung khal a tlaitluang ih remdaihnak an ngaisang.
# Midang sunralnak ding tuah an duhlo ih, an neihmi zatih lungkim thei pawl an si.
# Porhawk an hmanglo ih hngalhngawng ih um khal an nei lo.
# Midang thawih biakawk khalah mi nehsawh le hmuhsuam an neilo ih tangdor zet le awka thlum ten mi an pawlkom t’heu.
# Dingfelnak an ngaina ih a t’hazawng ih hmuhthiamnak an nei ringring.
# An umtlan le an hnipuan hruk tiangkhal a thiangfai ih zoh a mawi,
A hring (Green)
# A hring uar tu cu a thinlung a neem zet. Thinlung siava le kelkawi hnuaihni an si dahlo.
# Ol ten an thinheng lo.
# Ziangthil khal luarkai deuh (serious) tukih ruah an neilo. Curuangah a tlangval/fala pawlin an ngaihlo t’heu. A mi duhnak langter hna thiam lemlo ih um huahhi pawl an si ruangah.
# Fiangfai zetih thurel ti an neilo ih an duhdaan khal thinlung ih ret men pawl an si.
# An innhnen kiangkap thawn pawlkom awk an nei mal ih mi’h lak umtlan tuk khal an paih lo.
# Curuangah a hring uar pawlcu rualpi an nei mal t’heu.
 
 A dum (Black)
# A dum uar tu pawlcu ziangkim thuuk zetin an ruat ih ti fekfek ih tuah an hmang.
# Ziangvek thu khalah thinbuai le hnaihnok ti neilo in an thinlung an control thei.
# Langhngan ih thiltuah ti neilo ih a thupte ih cangvaih le tuaht’uan an hmang.
# An mahle mah an rinsan aw zetih an thinlung ah hngalnak malte a tel t’heu.
# An uangaw thei zetih til tuah thei thluh vekih um an hmang.
# Mahte um ih um an uar ih, thil t’halo tuah khal hi an thinlung ih a poisa tuk lo.
# Mi an duh ceng ahcun thihngam tiang mi duh pawl a si ve.
A Dup (Purple) (Purple hi ‘a dup’ tiah ka let men..)
# Purple uar tu pawl hi a tamsawn in iang an nei.
# Sinan thuhla buai an ton tikah pahtlang le relfel tum lo ih tlansan le a heel ih heel an hmang.
# A thupte ih thil ti an hmang fawn.
# Ziangvek dinhmun an thlen khalah t’hansonak lam hrang an zuam t’ent’o thei.
# An danglamnak pakhat cu mang lam thu tivek, kut riin zoh tivek le horoscope tivek an uar zet.
# Art lamle Calai lam an thaw theizet ih cuvek lamah an hmin a thang thei zet.
Pink
# Pink Color uar tu pawl cu ziang tinkim ah an tha a tho ih an phur thei zet.
# An umtlan le an t’ongkam khal duh an nungih nuamzet ih um pawl an si.
# An kiangkap hrangah thinnomnak an pe thei zet.
# Asinan thil pakhat an tuah tikah lolam tukih tuah an hmang t’heu.
# Curuangah a nuamzawng ih um duhdah men an tam. (ေပါ့ေပါ့ေန ေပါ့ေပါ့စား pawl an si)
# Nuamnak an duhzet ih mi lakih laar tla an duh zet.
 A eng (Yellow)
# A eng uar pawlcu mi dang hrangih nun uar pawl an si.
# Midang ziangtin ka bawm thei ding ti an ruat t’heu.
# Sungkhat le innhnen an ngaihsak thei zetih tawzang zet pawl an si.
# Ziin thar le ti daan thar hawlsuak uar zet tu an si.
# Art lam an paih ve zetih an fala/tlangval khal duat thiamzet pawl an si.
Laknak : Facebook
(Visited 62 times, 1 visits today)

Comments

comments

2 Comments

  1. A dik mi a tel ko.na ngan tha pam..

  2. kei cu ka thin lung atam nasa ding si cu…a rong zaten ka duh theh ko,,he,,e,,

Comments

%d bloggers like this: