Cohlan Tlakmi Raithawinak

May 20

Tlawngkai Nili

Cohlan Tlakmi Raithawinak

Siar:

Seemtirnak 4:1-7

A tthami tuah cila cohlan na si ko ding; sikhalsehla a ttha lomi na tuah ruangah sualnak in nangmah neh dingah sahrang bangin sangka in a lo bawh. Seemtirnak 4:7

Kumkhat Sung Baibal:

–   1 Sansiarnak 10-12

–   Johan 6:45-71

Ka rualpi pakhat in ka innhnen nu Bible laksawng a pek tikah ka thin a nuamzet. Asinan ka innhnen nu in, “Ziangruangah Pathian in Kain ih pekmi raithawinak cu hnong tahrat in a parah a tawkzawn ruahnak a nei lo, ti hi ka theithiam lo ruangah Bible siar ka cawl. Kain cu Lothlo pakhat a si vekin a neihmi a pek. Raithawinak pe dingah thil dangdang rak lei dingin Pathian in a ring maw si?” tiah i ti. Bible ih sim duhmi a ruat palh.

Pathian in hanghnah hangrah a duh lomi a si lo. Kain ih raithawinak in a dik lomi a thinlungput a thup timi a thei. Pathian ih Daan vekin a nungcang duh lotu cun Pathian hnenah an pe aw ngaingai lo, ti a langter.

Kan sunglam ih lungruhnak in Pathian thawn in tthenter nain a lenglam nun ih Amah biak cu a olte. Judas in a lenglam lawng Pathian betu pawl in an nun sualnak khuh dingin biaknaklam cangvaihnak an hman thu a ngan: “An hrangah ttihnung a va si ve. An thlunmi cu Kain ih a rak thlunmi lamzin a si,” (Judas 11). Amah thangtthatnak hlasak le A hnattuannak hrangih peknak in Pathian kan rian thei. Thinlung takih tuah lomi peknak le thil cu Pathian in a cosang lo.

Pathian cu kan tumtahmi le kan sunmang hnakin a ttha sawn maw? Sualforhnak kan tonmi hnakin a man a khung sawn maw? Kan nunram ih a thupibik a si zia langternak cu a hnon lo dingmi raithawinak a si.  – Joe Stowell

Bawipa, kan lo biaknak le ka lo thangtthatnak,

Kan thinlung in Na hnenah a sung kan khannak cu;

Cohlan tlakmi duhdawt thawinak si hramseh,

Na thluasuah hmuahhmuah cu tlunvan ihsin an ra.   – Sper

A hnenih a sungkhantu thinlung cu

Pathian in a hnong dah lo ding.

(Visited 27 times, 1 visits today)

Comments

comments

Comments

%d bloggers like this: