Coca Cola Palang ihsin Fimzirnak

Coca Cola Palang ihsin Fimzirnak

Siar: Rom 5:15-21

Daan a ra thlen tikah sualnak karhtertu ah a cang. Sikhalsehla sual a karknak hmun ahcun Pathian ih zaangfahnak khal a karh sinsin ve. – Rom 5:20

Kumkhat Sung Baibal:  – Saam 128-130  – Thufim 13:13-25

Pastor Louie in sual a karhzai daan a sermon ah fekzet in, “Hmunkip ah a um. Mawttaw car mawngtu pakhat in a coke cem ko a in ih a palang cu lamzin parah a hlon ta men” a ti.

Louie in, “Cumi cu a dik lo, mai’ zawn lawng ruahnak sual a si. A palang kuai in motor tire a kuaiter thei, denkhawn awknak khal a suakter thei,” a ti. Hlon lonak ding hmun ih hnawmhlon hi sualnak a si tiah kan ruat lem lo nain mai’ zawn lawng ruattu kan sizia a fiangter.

Louie cu sangka kiangin mi a cibai hngai laiah Baibal tlawng saya pakhat in, “Sualnak in palang kha lamzin parah a hlon nain zaangfahnak in a sar,” tiah fehphah in dimte’n a sim.

Cuih thlaraulam zirnak cu Louie in a hngilh thei nawn lo. Rom 5 in Pathian ih zaangfahnak maksakzia a sim. Adam ih thungai lonak in leilung ah sualnak a thlenter (c.12) ih mi zapi hnenah a thehdarh ttheh. Pathian in A zaangfahnak thawn a lehrul tikah Khrih ih thiisen thawngin a zumtu hmuahhmuah ngaidamnak a um. Minung sualnak cu Pathian ih zaangfahnak in a neh.

Pathian cun palang cu a sar men lo, misual ih thinlung cu a kholhfai.

Mangbangza, cem dah lo, tahtthim ding um lo zaangfahnak cu,

A zumtu hmuahhmuah hrangah a si;

A hmel mawinak hmu duhtu zaten,

Atu ah a zaangfahnak nan cohlang pei maw?

Sualphuannak cu ngaidamnak tthangliantertu dawm a si.

(Visited 33 times, 1 visits today)

Comments

comments

Comments

%d bloggers like this: