CNF Palai Pawl Thantlang Ah Ropi Zetin An Hmuak

CNF Palai pawl Thantlang ih an hmuah lai. Zuk CG/BT

Van Bawi Lian

Chinland Guardian | 4 January 2012:

Remdaihnak tuahdingih Chin National Front (CNF) palai pahra (10) pawl cun tuini tlai lamah Thangtlang khawpi an thleng ih laihlum inntek pawl cun hnamthuam thawn suksoh vahnak lampibik pahnih ah tlar khat in an rak hmuak.

Mi 3000 lenglo in hi palai pawl an rak hmuah ih, laihlum upa pakhat cun ‘ khawp mipi zaten India ram ihsin a ratu palai pawl zoh dingah lampi ah an tlan sukso tiin Chinlandguardian thuthang hnenah a sim. Thantlang ih um lawng silo in khawte ihsin khal mi ziangmaw tizat in an ra hmuah thu khal an sim tel.

Khaw lai fangah catlang tum piin, ‘Kan lo hmuak CNF remdaihnak palai pawl’ tiin an tar. Chin remdaihnak hawl palai pawl cun Kawlram hruaitu Colonel Zaw Min Oo, Mr. Win Htun, Mr. Aung Taung, Mr. Aung Min pawl thawn January 5-6 ah khin tonawknak an nei ding tiin CNF lam ihsin thudawn a si.

Rev. Dr. Lal Uk ih homi Peace and Tranquility Committee pawl ih hruainak in leh Chin State Minister of Agriculture U Van Thawng, Thantlang Township Adminstrative Office U Rum Thang leh Zomi Baptist Convention General Secretary Rev. Van Thawng Mang pawl tel in CNF palai pawl cu India ramri ihsin an va hmuak.

Palai pawl hin Hakha khawpi panin zl sml 4:30 cekci ah an fehsuak tiin Chinland Guardian thuthang latu pawl cun thu an dawng. Hakha khalah mipi ziangmaw tizat in an rak hmuah ding thu leh an hrangah tuahsak ding ziangmaw tizat an neih thu khal an sim tel.

Dr Sui Khar ih a kaihhruaimi CNF remdaihnak palai pawl cu HC. Ral Hnin, Dr. Salai Ngun Cung Lian, Brigadier General Solomon, Mr. Thetni, Mr. Rokhawma, Mr. Hla Htun, Mr. Ngai Cia Thang, Salai Peter Lian leh Mr. Khin Maung Lay pawl an si.

ED /- A hnuai ih zuk hi Joseph Ls Global Laimai neitu hnen ihsin kan dawn mi a si. An siannak lo cun hmudang ih hman sian a si lo.

http://chinlandtoday.info/wp-content/uploads/2012/01/CNF-an-hmuk-Lai-Zuk.pdf

(Visited 86 times, 1 visits today)

Comments

comments

6 Comments

  1. Kan Chinland ah deihnak um hram seh !!!!

  2. Mitamzet in mitthli thawn an ra hmuak tiah The Chinland guardian nih a sim,

    A siartu mitamzet khal kan thinlung mi a lazet…….

  3. Rem nak an la thei ngai a si ah cun kan Chin mi sen pi hrang ah a tha tuk.

  4. Chin mipi hrang ah Rem nak le Daih nak thleng hram seh .A hma lak nak par ah….

  5. Lung a hmui zet…

  6. Ruah ban lo thil a si. Hmakhaw ongnak kalbak pal an si ih, thutha hlatha rahtha suak hramseh!

Comments

%d bloggers like this: