CNF Le 88 Tlawngta Pawlkom Tong-aw

Mani Tlawngkai Nihnihni, 11.12.12, zaanlam nazi 3 ah CNF Remdaihnak palai pawl le 88 Tlawngta Pawlkom pawl cu Yangon ih um 88 Tlanwgta Pawlkom zungpi ah an tong-aw thu 88 tlawngta Ko Yin May cun a sim.

Cumi an tonawknak ah an relmi cu, remdaihnak, rampi pumkhatnak thuhla pawlah hmuhdan kan neihmi pawl kan hlawmaw ton ih, khat le khat zumawknak thawn rampi pumkhatnak, Union-nak taktak, le Panglong thinlungput kengnak thawn kanmah le ṭuanvo ciar ṭuanpeh vivo tlang dingin khal kan reltlang ti’n sim.

CNF remdaihnak palai pawl hi rampi remdaihnak palai pawl thawn Dec 7 ihsin 9 tiang Peace Center, Yangon, ah thu an reltlang ṭhehhnu ah hiti vekih 88 Tlawngta Pawlkom thawn a tongawknak a si. CNF le 88 Tlawngta Pawlkom an tonawknak ah, CNF lamin GS bawmtu Paul Sitha in a kaihruai ih 88 lam ihsin Ko Ko Kyi, Ko Yin May le Ko Thay Kyuain pawlin an hruai. Cumi tonawknak cun nazi pa 1 sung lai a rei.

CNF in tuitum ah acozah thawn remdaihnak thu lungrualnak 27 cu hmin an khen.

(Visited 70 times, 1 visits today)

Comments

comments

Comments

%d bloggers like this: