Cite vekin Al dingin

November 10

Zarhte Ni

 

Cite vekin Al dingin

                                                           

Bible Siar Ding: Matthai 5:1-13

 

Nannih cu mi phunkip hrangah cite nan si. Sihmansehla cite cu a alnak a ziam asile alter saal a theih nawn lo. Tthathnemnak zianghman a neih nawn lo ruangah hlon ding le pal men ding lawng a si.

–         Matthai 5:13

 

Humhimnak in thuthang sia neihnak ihsin mi a tthangsoter saal thei a si. A harhdammi nun daan (healthy lifestyle) timi sungah ei-in ding tirawl le sungah chemical malte an rawi, an telh cih thluh. Sihmansehla, khuahlanlai ahcun ei-in ding rawl pawl uih lo ding le siat lo dingin tikcu caan reipi kilhimnak le retnak dingih an rak hmanmi cu chemical tel loin cite (salt) hi a sibik.  Cumi in cite cu a man a khungzetmi le hmin neimi zuar ding thilri (commodity) pakhat ah a canter a si.

Jesuh in A dungthluntu pawl kha, “Nannih cu leilung ih cite nan si” a ti tikah a sim duhmi cu an nitin nunzia kha cite in rawl a thawtter le siat lo dingih a kilhim thei bangin midang pawl hrangah tthanak neih ding khi a si. Cite thianghlim cu a siat thei lo vekin Tifingriat Thi (Death Sea) sung ihsin an laakmi cite in tla daat phunkhat mineral a nei ve ih reipi daih in tthathnemnak a nei thei ve a si.

Pathian in A minung pawl a kawh tikah ziangtiklai caan khalah anmai’ nunphung kilhim dingin a sim ringring ih tuni khal ah cumi cu a danglam cuang lo. Jesuh in Christian sinak hminsinnak pawl (marks) cu Tlangpar Thuzirhnak sungah kimcangzet in a sim: Mi zokhal Amah a neitu ih piang cun an mizia in midang nunnak an ciahneh (influence) thei ding, cuih mizia pawl (characteristics) cu tangdornak (humility), mi nunneem, mi zawnruah thiamnak (gentleness), le dingfelnak (righteousness) pawl tla an si.

Sihmansehla kan raalrinzet a ttul, kan alnak kha ziangti’n kan langter ding timi cungcang ah. Leitlun daan thlun ih kan nung tikah cite vekih kan alnak a man kan ttumter thei. Cule tite bangih kan alnak kha hmakhatte ah tamtuk ih langter kan kiangkap pawl kan burh asile tla an kaang thluh pang ding. Vancung ih a um kan Pa Patian ih  in kawh san cu amah le a tikcu caan te (season) ah fimkhurzet le manneizet ih nung ding le Amai’ kilhimnak in kan kiangkap minung pawl ciahneh ding hi a si.

 

Bawipa Pathian, ka umnak hmunkip ih minung pawl kha

Siatral lo dingin a kilhim theitu le a ciahneh theitu si in

midang pawl Na hnenih hruailuttu dingah in hmang hram aw.

Keimah hi ka kiangkap kilhim le ciahneh theitu ka si maw?

Asilole hih leilung sawn in ka nunnak a borhhlawhter sawn so?

 

@Pennington

(Visited 21 times, 1 visits today)

Comments

comments

Comments

%d bloggers like this: