CISS In Fresher Welcome Tuah

Chin Institute of Social Science (CISS) cun 4th generation tlawngta thar pawl hmuahnak, nulepa thawn tonkhawmnak cu July 2, zaanlam sml 2:00 ihsin an tlawnginn ah an tuah ti’n kan thei. Tukum hrangah tlawngta thar 26 thawn July 3 ah tlawng kai an thok.

Tukum cazirhtu dingah US ram ihsin Ms. Kadilyn le France ram ihsin Ms. Laila te pahnih cu ramdang mi zirhtu dingah kum 1 sung Falam ih um dingmi an si. Academic hlun Joe Decker aiawh ah Falam tualsung mino Salai Peter Ram Tin Thang in ṭuanvo a lak.

CISS tlawng ih program supervisor a simi Pastor Thawng Bik cun, “Hih tlawng ih tumtah bikmi cu Chin ramkulh sungah mino hmangtlaak tampi sersuah ding a si. A pahnihnak lawng ah Mirang ca thiam ding hi a si” tiah a sim.

CISS tlawng cun kum khat ah tlawngta 31 cohlaang ṭheu a siih tukum hrang khal ah cazin pek ciami 31 sungin 5 an ra thei saal lo ih 26 thawn an thokmi a si. Tuikum ih tlawngta thar pawl cu Falam ihsin 10, Tedim ihsin 6, Hakha ihsin 4, Matupi ihsin 2, Kalay ihsin 2, Kanpalet ihsin 1 le Kachin ihsin 1 pawl an si tiin kan thei.

Comments

comments

Comments

%d bloggers like this: