Ciamciam Ih Hrilmi Ttongfang

October 20

Tlawngkai Nithum

Ciamciam Ih Hrilmi Ttongfang

Siar:

1 Korin. 2:1-9

Ka u le ka nau tla, nan hnenah ra in Pathian thuthup ka phuan tikah ttongkhun le minung fimnak ka hmang lo. 1 Korin. 2:1

Kumkhat Sung Baibal:

–   Isaiah 59-61

2 Thess. 3

Ka nauhaklai ah cafang sauzet: “antidishestablishmentarianism” timi awsuak in ka siar ih ka rak nuam awzet. Ziangtluk siar har so a si! A sullam ka rak hawl. Dictionary ka zoh ih, “Din ciami kawhhran kha cohlannak ihsin phiat saal ding acozah ih duhnak daan,” tiah a ti. A sullam theih har daan cu a ttongfang saal har tluk zikin a har ve. Keimah siseh, tlawng ih ka rualpi pawl in siseh a tican kan thei cuca lo. Hmanseh ttong saupi hman thei cu thu theizet ah kan hei ruat aw.

Dungthluntu pawl in thu an sim tikah mi ih zoh saan ding an tumtah lo. Paul in Korin khua zumtu pawl hnenih ca a kuat tikah hiti’n a ngan, “Nan hnen ra in Pathian Thuthup ka phuan tikah ttongkhun le minung fimnak ttongfang pawl ka hmang lo,” a ti (1 Korin. 2:1). Ttongkhun le ttongthuk (Excellenccy of Speech) timi cu Greek ttong ihsin lehmi a si ih a sullam cu “a nasazetmi ttong” asilole “a saangzetmi ttong” tican a si. Cuvek ttongfang hmang tahrat ih thusim cu midang hrangah tthathnemnak hnakin mah le mah cawisaan awk duhnak a si. Paul cu mifim cathiamzet le Pathian thuthuk Ca Thianghlim ngantu a si. Sihmansehla amah le amah thupitter awknak dingah ttong thukpi a hmang dah lo.

Pathian Ttongkam theihnak in kan tthanso tikah Paul ih nun daan hi thlun in theihnak cu uar-awknak ah hmang hlah uhsi! Cu ai-ah ttong ttha hmangin midang tthansonak le thapeknak ding tuah sawn uhsi!    – Dennish Fisher

Hngalnak thawn a khatmi kan thinlung,

Kan ttongkam in a lang;

Hmanseh suup awk theinak nun,

Sunglam thlarau hnattuan in lang.   – Sper

Kan theihmi thu in fimnak a langter lo,

hmanseh ziang caan ah ziangti’n kan hmang timi in a langter.

(Visited 42 times, 1 visits today)

Comments

comments

Comments

%d bloggers like this: