Ci Tuh Rah Seng

Dr. Timothy Sui Lian Mang

Cituh Rah seng ti hi el theih a si lo. Thil ṭha kan tuah le thil ṭha kan sengsal ih, thil ṭha lo kan tuah asile, thil lo kan sengsal ti hi el theih lo thudik a si. Bible khalin “Na tuh vek in na atsal ding,” (Gal. 6:8) a ti. Kan dam sung lala ah kan atsal hi  a rak si. Culawng hman si loin, thih hnu tiangin tesinfa tiangin an seng lai thotho ti hi Bible sung khalah kan hmu ih, thuanthuan khalah kan hmu thei.

Max Jukes hi New York State ih a thuanthu an zingzawi mi pakhat a si ih, amah hi misual hminthang a si. An zingzawinak ah cun hitin a si:

Max Jukes-ih tesinfa mi 1026 an zingzawi ih:

– mi 300 cu thla kim loin an suak ih an thi.
– mi 100 cu thawngthlak an si, a tlangpithu in kum 13 thawngthlak an si.
– mi 190 cu langsar zetih tawzuar an si.
– mi 100 cu zutama an si.

Nu le pa ih sualnak hin fale, tuule, tuu sin tiangin a hngawg thei a si.

Cun Pathian mihman, hminthang, kum 7 a tiih piangthar, a nupi thawi Christian Sungkua ṭha zet dintu, Jonathan Edward-ih thuanthu khal cu New York State ih thuanthu zingzawinak ih an zingzawinak ah hitin a thu an ngan:

A tesinfa mi 729 an zingzawi tikah:

–        mi 300 cu Pathian thusimtu an si.
–        mi 65 cu University President an si.
–        mi 60 cu cangan hminthang an si.
–        mi 3 cu USA congressmen an si.
–        mi 1 cu USA vice-president a si.

Ka bulpak nun le kan sungkaw nun hin kan hmai lamih kan tesinfa nun tiang a hngawng theihzia thei in fimkhur teih nun a va thupi tak em!!

*****

(Visited 200 times, 1 visits today)

Comments

comments

Comments

%d bloggers like this: