Christmas Thusim Ruangah China Cozah In Mi 9 Kai

Chinese Christians Pray At A Church

Caleb L Ci Luai

Shenzhen, China : Tuizarh December 10, Tlawngkai Nikhat Ni ah, China ram ih Shenzhen khua ah, thusimtu 1 cun Christmas thu a sim rero ih, amah bawmtu mi 8 pawl cun a kiang ihsin an rak bom ve. Cuti ih Christmas thu an sim le an phuan rero lai ah, China palik pawl cun an zaten an ra kai hai.

Cumi lak ah mi 7 cu nunau an si ih, an kaimi lak ih upa bik cu kum 70 a ti zo. Hi nunau 7 pawl hi Guanai (Caring) Center le Meilin Church Gospel Team ih hnatuan rero tu pawl an si. An kaihmi dang 1 cu Heping (Peace) Church Youth Fellowship ih sungtel asi. Thusimtu hi Cao Nandi asi ih, China ram, Shenzhen ramthen ah cun mi tamtak ih an theihmi thuthangtha simtu larzet khal asi fawn. Thusuhnak le thusimnak tampi an neih hnu ah an zaten thlahsal an si.

Cutawk ih a tonmi cu thusimtu Cao cun, “ Pathian ih in duhdawtnak hi China ram pumpi hin an theih ka beisei ih, Pathian Thu sim ruang ih diklozet ih puh ka sinak par ah ka lungawi sawn. Harsatnak, puhnak le hremnak lak khal ah Pathian hna ka tuan vivo ding” ti in China Aid pawl ih an komnak ah asim.

Comments

comments

One Comment

  1. An zumnak a pacangtukih ka uar lawlaw,
    A rakngaitu pawlin rundam nak famkim cohram haiseh.

Comments

%d bloggers like this: