Christmas Robin ih Thuanthu Roling

[Thuanthu roling timi cu a dik mi an si hran lo khal ah, minung tampi hliahkhuhtu an si ruangah kan theih ve a ttha timi thawn ngan mi a si]

Christmas hmaisabik zan cu khawsik a luar zet ih, Nunu Mary le a naute Jesuh an umnak caw-inn sung khal ah catbang lo in thli dai a hrang lut rero. Cu lai ah khawhlum an ngah theinak um sun a si mi, caw-inn sungih meisa cu a mit zik cuahco. Curuangah, nau nei pek cangvai thei lo Mary cun an kiangkap ih um mi rannung pawl hnenah bomnak a dil. A itthat mi cawcang, mi zangzel laak, rang le tuu pawl hnenah bomnak a dil hai nan, a tthen cu an ttangkai lo ih, a tthen cun an rak el.

Vei le khat ah Mary cun thla zap awn a thei. Robin vate in Nunu Mary ih bom dilnak au-aw cu a rak thei ih, bawm ding ah caw-inn sungah a vung zuang lut. Robin va cun a thla cu zamrangte’n a zap ciamco ih, a mit zik mi meiling cu an hung vam ttha sal. Meiling an sem hiamhiam tiang in a thla thawn a zap rero. Naute ih khua a hlum theinak ding ah, meisa mit sal lo ding in taimate’n, cawl lo bang lo in a thla thawn a zap.

Meisa a cem lonak ding ah a hmur thawn thing ro tthenkhat a thiar ih meisa ah a thlah bet. Cumi thing ro cu vei le khat ah an hung alh thutthi ruangah robin ih awm an kang ngah. A awm kang hman sehla, hahdamtei’ naute reipi sung khawhlum zet ih a ihthah theinak ding ah, meisa cu a zap peh ttentto thotho.

Nunu Mary cu robin parah a lung a awi zet ih a awm cu nemte’n a zoh sak. Curuangah robin ih awm kang cu hma ah cang lo in, tuini tiang in a sen lanta. Cule, Nunu Mary in robin cu zawnruahnak le pumpekawknak a neih mi parah thlawsuah a pe.

Hminsin:
European robin cu Britain ram ih Phunpi Vate (National Bird) a si.

Sirhsan: http://www.worldofchristmas.net/

Sianglianuk Kianghrol
(Visited 77 times, 1 visits today)

Comments

comments

Comments

%d bloggers like this: