Christmas Maimom ih Thuanthu Roling

[Thuanthu roling timi cu a dik mi an si hran lo khal ah, minung tampi hliahkhuhtu an si ruangah kan theih ve a ttha timi thawn ngan mi a si]

Khuahlan lai ah, vei khat cu Christmas Hmuah Ni ah Christmas ni ih thiangfai ding in minung pawl in an inn an thenfai hai ruangah maimom pawl ih inn khal an siat thluh. Amah hman thi lo in an luat fangfang ih, diphun kawm ah an relh a ttul phah.

Asinan maimom no deuh tthenkhat cun ceimawi mi Christmas thingkung pawl le zanttim ah Christmas thingkung pawl thlawsuah pe ding ih a ra ding mi Naute Khrih cu rak hmuh an duh. Maimom upa deuh pawl in inn sungih um sian an si lo thu an sim rero nan, maimom no deuh pawl cun zoh an tum thotho.

A netnak ah maimom upa bik in, zan ih minung pawl an itthat thluh hnu ah an umnak kerkawm ihsin an suak ding ih Christmas thingkung cu naite’n an va zoh ding, tiah a lem hai.

Cumi hnu cun maimom hmuahhmuah an sa hiamhiam. Dam sungih vei khat lawng an ton ding mi thil a si ruangah a thin a phu dupdo. Zanttim a rung thleng ih, mi zah-um inn pakhat ih meisa a thim hnu, awn-au a reh rerprep hnu, le thaw zet ih an ihthah hnu ah maimom pawl cu an relhnak ihsin an hung suak hai ih, nuamnaite’n Christmas thingkung cu an va pan.

Christmas thingkung ih mawinak cun a hip neh tuk ruangah zanvar in thingkung ahcun an um. A suk a zo ah an tawivak ih Christmas thingkung ih mawinak cu an cuan rero. Thingkung parih an lam ciamco lai ah nuam an ti tuk ih, an maimom inn-raang pawl suak lo ding ih tuah an hngilh thluh.

Zingthlapit ah cumi innsang thlawsuah pe ding in Naute Khrih a ra thleng. Cutikah Christmas thingkung parah maimom fatakte pawl le an inn-raang pawl a hmu ih a mang a bang zet.

Naute Khrih cun ziangtinkim hi Pathian sersiam mi an si ti a thei ih, sunvute’n mawi zet ding ih Christmas thingkung a cei rerotu innsangnu cu maimom inn-raang pawl a hmuh tikah a lung a awi lo ding ti khal a thei. Curuangah duhdawtnak thawn a khat mi thinlung, le mi hip thei zet ih hni siamsi phah in maimom inn-raang pawl cu a kut thawn dimte’n a vun dai. Cutikah maimom inn-raang pawl cu a tleu ringring mi le tleu serhso mi sui le ngun rong hridai pawl ah an cang. Cumi cun Christmas thingkung cu a mawiter sinsin.

Himi thuanthu hi, Christmas thingkung pawl tleu ding ih ceimawinak ih bulhram a si tiah an sim. Christmas Hmuah Zan ah taima zet ih a cangvaitu maimom hngilhlonak ah, mi tthenkhat cun plastic maimom pakhat khal Christmas thingkung ah an tar cih ttheu.

Sirhsan: http://www.worldofchristmas.net/

Sianglianuk Kianghrol

(Visited 68 times, 1 visits today)

Comments

comments

Comments

%d bloggers like this: