Christian Tlawng 6, Indonesia Ramah Ralrinnak Pe

papuan2bchurch2bleaders2bmeet2bsby2b162bdec2b2011JAKARTA ( Asia News ) : Indonesia ram, East Jave ramthen sung, Biltar khua ih Catholic tlawng pawl cu, thuneitu pawl in “Muslim tlawngta pawl hnen ah Quran nan siarter lo ih, tuvek ih nan fehpi vivo asi ah cun nan tlawng kan lo kharsak ding” ti in ralrinnak an pe. Tikcu can cu January 19 tiang can an pe. Ralrinnak an pekmi tlawngpawl tla cu : Diponegoro Catholic High School, the Catholic Vocational Training High School, Saint Mary KG, Saint Mary Elementary School, Yos Sudarso Catholic Elementary le Yos Sudarso Catholic Junior High School pawl an si.

Indonesia ram dan ah, tlawngca ah Muslim ca zirhtel ding asi timi an nei ih, cumi cu tansan ah hmang in, hiti ih an tingamnak asi. Tuini tiangah cun, Catholic hotu pawl hnen ihsin zianghman tongkam an thlah hrihlo. Muslim mi tlawngta an um phahphah ih, tuihlan ah cun, tlawnginn ah cun tlawngca le Christian thu an sim ih, Muslim zirhnak cu a dangten Muslim pawl in an zirh theu. Cumi dan cu duh nawnlo in Muslim pawl hin Christian tlawnginn pawl hnen ih ralrinnak le hringhronak an pekmi asi.

Indonesia Muslim pawl cun, cuti ih an fa le pawl Christian tlawng ih an um rei cun Christian ih an luh ding cu an phang ngaingai. Christian tlawng ah hin, cozah tlawng le midang tlawng pawl hnak in zirnak a tha deuh ih, a hleice in mirang ah an thansoh tuk ruangah Muslim pawl khal in an fate pawl an retnak san asi. Tlawngdang ih kai pawl thawn an tahthim tik ah, Christian tlawng ih kai pawl cun mirang ah an hlawih zet.

Comments

comments

Comments

%d bloggers like this: