Christian Si Ruang Ih Kaih Tuar Iran-American pastor

Caleb L Ci Luai

iranian-american-pastor-saeed-abediniTehran, Iran : Rev. Saeed Abedeni, tu ih American mi sinak nei tu, Iran ih piang le thanglian cu, US a um hnu ah a sungkhat laina pawl veh ding ih a fehnak ah, Iran cozah cun Christian zumnak nei asi ruangah ti ih puhnak thawn an kai. Iran ih a umlai, kum 20 a ti ah zumtu ah a cang ih, 2002 ah a nupi thawn tongaw in fa 2 an nei.

A nauhak lai ihsin Muslim pawl cun Abedeni cu ralkah dan le bomb puah dan tivek an rak zirh ih, cumi duhlo ih an tlannak ah Pathian Nung khal a tongngah asi. 2005 ah US ah an vai ih, cutawk ah US mi sinak khal neizo tu asi. 2009 ah khan a sungkua veh ding in Iran ram ah a tlun ih, cutawk khal ah kaih a tuar.

Thusuhnak an neih hnu ah an thlah sal. Tuikum July thla ah khan a tlawngsal ih, cutawk ah an kai lala ih tuini tiang thawnginn ah a unlai. Christian zumnak ih a umnak, Iran ram a umlai ah Christian hnatuannak ih teltu asi nak le midang Christian zumnak ih hruaitu timi pawl thawi puhnak in tutiang thawnginn ah an ret lai asi. A nupi le fanau pawl cun US cozah hnen ah an pa bik thuhla zingzoi sak ding in le US rammi sinak neizo ih an kaihnak parah Iran cozah hnen ih suah dil ding in ca an ngan.

Comments

comments

Comments

%d bloggers like this: