Chin’s Got Talent Hrang Mipi Sawmnak Catar An Kuat Thok

Chin mino pawl kut themthiam pawl pholangnak ding hrang ih caan tha a si mi, a veikhatnak Chin’s Got Talent hrang ih mipi sawmnak catar pawl cu tuini ihsin Chin ramkulh hmun dangdang pawl ah an kuat thok.

‘Singapore ihsin mizan ah kan ngah ih Chin ramkulh le Lairawn ih Chin mipitamnak hmun pawl ah mipi tamsin ih an theih theinak ding ah kan kuat thluh zo, thaisun ihsi an tar thok ding’ tiin Myanmar ram sung ih pehtlaihnak tuanvo latu pakhat Cung Awng cun Chinland Today Media hnenah a sim.

‘Chin ramkulh khawte ih Chin mino thilthiam nei pawl, mipi hmaiih pholannak nei ngah hrih lo mi pawl hrang caantha tuahsak dinghi kan tumtahbik mi pakhat a siih Chin ramkulh le Lairawn Chin mi zate ih an tel thei ding hi kan saduhthah bik mi a si’ tiin Chin’s Got Talent tawlreltu Mai Jemie Eng cun a sim.

A veikhatnak ih tel thei ding mi pawl cu Hlasak, Lam, Capoh, Hlarem tvp an si dingih lawmman pawl cu a hnuai lam vekin an si ding.

Pakhatnak: 2,000,000 MMK Pahnihnak: MMK1,500,000 Pathumnak MMK 1,000,000 Palinak : MMK 500,000 le mipi pawl ih duh co bik hrang MMK 300,000 a si ding.

Dilnak ca pawl dil duh hrang (http://bit.ly/2iqNKHc) lak theih a si ding.#

Comments

comments

Comments

%d bloggers like this: