Chin’s Got Talent Hminpeknak Hrang Caan An Sauter

Chin mino hrang thiamhleice mi pholangnak le zuamnak a si mi Chin’s Got Talent tel tumtu hrang ih hminpeknak hrang ih caan net an tuah mi cu ni 10 an sauter sal bet.

Chin ramkulh hmun dangdang ihsin zuamtumtu mi 50 lenglo an um zo tiin thu kan dong. Chin ramkulh lawng siloin ramleng Singapore um pawl khal hi zuamawknak ah tel an tum.

Hminpek netnak ding ni dingih sn rak rikhiah mi cu January 31, 2017 a si. A sinan tuanreltu pawlcun mi tamsawn telthei dingin February 10, 2017 ah a ni an sauter.

“A ni kan tisaunak san khal, Chin ramkulh khawte lam ih um teltumtu hrang caan lak deuh a tul ruangah a siih, Cun Falam Puaipi ni an thawn mi thawn caan a um ko tiin, a zuam duh pawl hrang caantha kan tuah bet mi a si” tiin Jamie Eng, Chin’s Got Talent tawlrelnak hotu cun Chinland Today Media hnenah a sim.

A thokpek zuamawknak hi Feb 17, 18 a si dingih apah tlang theitu thiamcungcuang pawl cu February 21 ah zuamawknak an nei sal ding.

Chin’s Got Talent ih pakhatnak ngahtu in Myanmar Kyat 2,000,000 MMK, Pahnihnak 1,500,000, Pathumnak, 1,000,000
Palinak 500,000 le Mipi ih duhbik cotu in 300,000 pawl pek an si ding.#

Comments

comments

Comments

%d bloggers like this: