Chin’s  Got Talent Ahmaisabik Zuamsinnak Ihsin mi 43 Hrilsuak

Falam Ih zuamawklai Zuk; Bingbipar Laisak

A hmaisabiknak hrang Chin mi pawl hrang ih, thiamhleice mi pholangnak, Chin’s Got Talent zuamawknak hrangih ahmaisabik zuamsinnak (First Audition) cu Chin ramkulh khawpi Falam le Singapore ah February 4-5 tiang an nei. A zuamtu pawl lak ihsin mi cungcuang mi 43 pawl hrilsuah an si.

Falam ahcun nihnih sung an tuah ih a nikhatnak ih a zuamtu mi 36 pawl lak ihsin mi 28 pawl  hril an siih a nihninak zuamtu lak ihsin mi 14 pawl hrilsuah an si. “Ka ruahnak hnakin an phur zet. A tam khal an tam ka ti zet. Hlasak zuam an tam. Cule tlawngta nauhak lam zuamtu a bur in tla bulpak in tla an tam ih a mak ka timi cu အထကခြဲ ih tlawngta lawng lawng an si cutik ah ထခြဲ hi tlawngta pawl a kaakip ih thiam dingin an zirh aw thei deuh si ding tin ka ruatih ka uar zet. Khawte lam khal in an ra kum 40 tlun upa khal pa 4/5 lai an tel ih ka diriam na sa” tiin Bingbipar Laisak, Falam ih zohfeltu pakhat cun Chinland Today Media hnenah a sim.

‘Tlangval pakhat tla cu fang dipkhat kha a haa in keu in a khai ih stage par khalah khatlam ihsin khatlam.tiang a fehpi thei ih neta step pawlah teh ziangvek tiang a hmuh bet pei tihi ka hmu hiar nasa. Hivek tla tualsung ah kan nei ih kan men men lo’ tiah ka lung hmui zet’ tiin Mai Bingbipar Laisak cun a sim bet.

Singapore khalah February 5 ni ah zuamawknak an neiih, mi pahnih lak ihsin pakhat hrilthlin a si. ‘A zuamtu tamdeuh hi hlasak ansi ih a dang pawl cu laam le capoh, cun thil dang tete tla an tel’ tiin CGT tawlreltu hotu Jamie Eng cun a sim.

Singapore ih teltu le zohdiktu | Bawi Uk Thang, Jamie Eng, Zuamtu, Lar Boih, Lal Ram Lian

Lairawn um pawl hi February 11, 2017 ah a hmaisabiknak hrang zuamsin awknak an nei ding ih himi tling pawl cun Falam khawpi ah fehin an zuam pehbet ding. Tuiṭum Chin’s Got Talent zuamawknak ah mi 120 lenglo in hmin an pe.

A hmaisabik zuamsinnak ih tlingtu pawl hi February 17 – 18 ni ah Quarter le Semi pawl zuamawknak Falam khawpi ah neihsal ding a si.#

 

 

 

Comments

comments

Comments

%d bloggers like this: