Chin’s Got Talent Ah Singapore Ih Chin Lengdawh Pawl Tel Ve Ding

A vei khatnak Chin santhuanthu ih Chin mipi hrangih thiamhlei zuamawknak ah Myanmar ram pum ih Chin mi lawng siloin Singapore ih hnatuan Chin mi leng dawh pawl khal in zuam an tum ve tiin thu kan dong.

‘Mi inn ih hnatuan bawmtu an si ko nan, Chin mino te kutthiam nei mi mak zetzet an um. Tu ih a zuamtu ding hi Nunau an si. Mi dang tete khal rak tel cio uh. Chin mino pawl in kan thilthiamnak pawl hi kan ram Myanmar ram sung men lawng siloin, Leitlun ram pumhuap tiang kan pholang ngam ding a si’ tiin Chin’s Got Talent tawlreltu lakih hotu pakhat Mai Jemie Eng cun a sim.

Chin’s Got Talent zuamawknak hi February 17-19 tiang Falam khawpi ah zuamawknak tuah a si ding. Zuamawknak ah bulpak le bur in tel a theih dingih, kut zung thiamhlei mi pawl lak ihsin hlasak, laam, lemcang, capoh tuah, thazaang cak hmuhnak pawl le a dang cuangmuar zet ih thiam mi pawl zuamawknak a si ding.

A zuamaw duhtu cun January thlacem hlanah tuanvo neitu pawl hnenah “Teltumnak Ca (Application Form)” pek ding a si. Lawmman cu Pakhatnak: 2,000,000 MMK Pahnihnak: MMK1,500,000 Pathumnak MMK 1,000,000 Palinak : MMK 500,000 le mipi pawl ih duh co bik hrang MMK 300,000 pawl a si ding.

Pehtlaihnak nei duh hrang:

  • Falam: Ni Siang Par – 094-5391-0593,
  • Nhgepi – 094-5751-3976,
  • Saya Tuak Sang – 094-0030-5510,
  • Baite – 094-0031-1668

Kalay & Tahan:

  • Jesse – 092-5402-3553,
  • Thawng Thawng – 092-5857-7890

Yangon:

  • Cung Aung – 094-2008-0186,
  • John – 092-6369-1310

Ramleng:

  • Jamie Eng – +65 9108 0950

Comments

comments

Comments

%d bloggers like this: