Chinram ih Hmun Mawi le Nuambik “Buannel”-II

CHINRAM IH HMUN MAWI LE NUAMBIK “BUANNEL” – II

Salai Sen Ro Sang

2. A Hminbuannel-ramdai

Zahau ṭawng a si an ti. Zinghnam mei in lei a phiah netno hi ‘nel a buan’ an ti. “Buan” cu ciarbek tinak a si ih “nel” cu lei tinak a si fawn. Zinghnam mei in lei a phiah vel tamdan cu a hminah cawiin “Buannel” an ti a si hmang. Dik nahmen maw? Chinmi tam sawnin Buannel kan ti thluh ih hlanlai Chin ṭawng upa cu a rak bangaw thluh deuhthaw. Curuangah a hmin sullam ah cun buai ding a um lo.

Tedim unaupawl cun Len tlang dungih um a si ruangah mawsi Len Nupa an ti. A san cu Buannel hmun phul tak ahhin tlangmual tum tham deuh pahnih a um ih cucu Lenpa le Lennu tiin an sak ih a tlarih um a si. Lenpa cu Kaptel ram lam deuhah a um ih fiang takih zoh ahcun ngaihbel theihin mipa ta vek tilbawr le serh pianhmang vek deuhin a um. Lennu cu Hmunluah ram lam deuhah a um ih nunau zahmawh bangtak mual pawng, nunau pianhmang thawi ngaihbel theihin a um. Curuangah Len Nupa tiih hmin sak an si. Lenpa an ti lam ihsin ti luang suak cu Rawhnuai khaw lakah a peng ih: pakhat cu Hriangngai (Heilei) khaw hnarah a luang tlang ih adang tiva pakhat cu Khuaimual khaw hnarah a luang tlang ih Tikual va a fin.

Peh lai ding…

Hsn: Buannel thuthangca Ṭum 2, Vawi 12, (October 2004) le FPMY kum 10 kim hminsinnak Buannel mekazin (April 2006) ih suahzomi a si.

(Visited 569 times, 1 visits today)

Comments

comments

Comments

%d bloggers like this: