Chinram Hrang Japan in Ting 99000 Cawih

Meifar: Chinram ih thansonak hrang Japan International Cooperation Agency ihsin Ks.ting 99000 an cawih ding ti thu theih a si. Hi, sumpai hi thlaicin le ranvulh lamah hman ding a si ih Union acozahpi ihsin Japan acozah in a theihter thu Thlaicin le Ranvulh Chin Ramkulh Khawnbawl Pu Van Thawng in thuthangpawl a sim.

Pu Van Thawng cun, “Union acozahpi in hivek sumpai cawi ding a um, mai ram le peng hrang ziangha nan tulsam mi a um maw. A um asile hitin ca rawn thehlut uh tiah lamzin in sialsak ih kan tuah a si” tiah a ti. Hi hi Kawlram paisa thawn ting tampi a si ih thawng khatah fang khat thangin an cawih

ding. September thla hrawng ihsin Chin State ah JICA hnatuantupawl in ram umdan le thil umdan an hung zingzawi thawk thlang ding. Chinram hnatuan le thansohnak hrang harsatnak pakhat cu hnatuan um lo, lamzin suksoh harsatnak, tuansuah mi zuarnak bazar thalo, mino le mithiam ramdangah feh thluh tivekpawl a si tiah an sim.

Chinram ah hin mi 540000 hrawng an um ih District 3, Township 9 le Sub-Township 3 a um, 2011 UNDP ih an hliakhlainak vekin 73% cu mifarah an si ih Kawlram ramkulh le ramthen 14 lakah a farahbik a si. President cun rampi ah mifarah 26% an um ih 2015 ah cun a mal thei bikih niamter a tum thu a rel. JICA hin Chinram hi 2006 ihsin Yen ting 500 an rak bawm rero zo ti thu theih a si.

(Visited 68 times, 1 visits today)

Comments

comments

One Comment

  1. Thawngtha tak na van kan thanh le kan i lawm tuk khah.

Comments

%d bloggers like this: