Chinmi Sungin Singapore 7th FDW Day “We Got Talent ” Ah Nehnak Co

Singapore ramih ramdangmi inn hnațuan pawl hrang tuahmi a vei 7nk Foreign Domestic Worker Day cu December 11, 2016 sun, Singapore Politechnic ah tluangten tuahsuak a siih “We Got Talent” zuamawknak ah Chinmi pawlin nehnak an co thu theih a si.

“We Got Talent” zuamawknak ah singing solo, dancing solo le dancing group tiin țhen a siih Chinmi sungin Khin Mar Yee (a hmin ngaingai VanLalAwmi) in singing solo ah Nehnak(winner) a co. Cun, 1st runner up khal Chinmi sungin Mai May NilarPar in a ngah. 2nd runner up cu Indonesian mi in a ngah. Cun, Dancing group in Indonesian pawlin winner le 1st runner up an ngah ih Chinmi sungin FCFS group in 2nd runner up an ngah.

Puai cu zing 10am in thok a siih zanlam 5pm tiang caan hman a si ih mi 7000 leng an feh thu khal theih a si. A fehtu zaten bag a lakin pek, suncaw a lakin pek an si thluh. Ramdang dang in hlasak thiam pawl in zaihla thawn awihnak an nei.

Himi hi tuihlan kum ruk sung Christmas zikah rak tuah țheumi puai a sinan Kawlram mi cu tuikum a kum 7nk lawngah kan tel.#

Mai Daidim

(Visited 256 times, 1 visits today)

Comments

comments

Comments

%d bloggers like this: