Chinmi in kan nei lo ih kan tul lo “Women Right” kan timi hi!

Nupi nu pakhat thawn thu kan rel tlang. Nu nau pawl hi mipa pawl hin in nekrawk tuk deuh ih a thalo a si, a ti. Si ngai. Mipa khal hi nunau pawl mawilo tuk tiang in hmuhsuam kan um ka ti. Mipa le nunau kan bang aw lo a ti lala.

Aih! Si tuk e! thudik um cia na rel ual ka ti. Nunau le mipa kan thil ti thei daan khal a bang aw lo a ti lala, bang aw lo e, nu nau cu an dawr deuh ih mipi cu a tlangpithu in an cak ka ti. A duh lemlo.

Bible in mipa ih hngawng cu nunau a si tivek pawl kha in ruah ciamco. A dik ka ti ve nasa. Asinan “Women Right” a vun sal suak veten meiling ih kangmi vek in ka thinlung a kang vukvi. Laimi hrangah “Women Right” timi a um ve lo ka ti lohli.

A duhlo tuk ah tampawlawk bang in a lawk tal. A thinhengtuk nak ah mipa ih ti theimi hmuahhmuah nunau khal in an tive thei a ti. A cang theilomi rel hlah ka ti ve. Kan buainak a sosang vivo.

Ngai aw! Ka ti ih hi tin ka sim; Mipa kan um sung ahcun nu nau cu nunau an si ringring ding “An Nau” deuh ringring ding ti thei aw. Leitlun ah ziangvek daan le dun, thildang maksak thlakthlengnak um hmansehla nu nau cu nu nau a si ringring ding. Mipa hnak in ziangtik hman ah a cuangce dahlo ding ka ti.

Cun, mifim thuruat thiam pawl in “Women Right” an tuah. Kan ni Laimi cun kan hman ciamco a tulve lo. Mipa par ih lawn tum tivek. Mi pa ti zawng ka ti ve thei tivek, mipa ziang an si ce lo tivek kha kan pipu san ihsin a um dahlo mi thil a si.

Women Right cu mirang pawl in an duhle hmang haiseh. Kan ni cu Laimi/Chinmi kan si ruangah mipa cu a pa ding nu nau cu a nau ding. Asinan mipa lo cun nunau a tha thiamlo nunau locun mipa a thathiam lo timi cu a dik tuk. Amahvialte, mipa par ih nunau lawn timi cu a cang thei lo tin ka sim.

(Visited 43 times, 1 visits today)

Comments

comments

14 Comments

  1. Nunthuleng tang ih ngan mi ca pawl ka siar ih ka vaivuan deuh.
    Nunthuleng nan ti mi hi ziang vek cangandaan a si ti in sim thei uh la lungawi um zet ding.

  2. Nelly Hniangte says:

    Laimi hrang ah Women Rights atul lo ti ruah nak ngan tu reng reng hi ( knowledge) theih kau nak anei mel deuh a si lo maw..! Women Rights hi ziang ruang ah aum?Ziang ruang ah nu nau pawl in an Au….? Nunau le mipa hi equality rights ( Nunau le mipa tluktlan nak,kan nei thei nak ding hrang ih tuah mi le a rak suak mi a si. Mipa lu tlun ih um duh ruang ih Au mi asi lo.Mipa in nunau pawl in thleidan mi kha thleidan nak um nawn lo ding ih Au mi asi. Simfiang ding atam pi zat mi sung ih sim zohthim {Example) ka tarlang ding.Laidaan ( Culture ) fapa nauta bik lawng ih ro co ti vek pawl, Ram pi daan kan thei cia vek in Phuhra ong mark zir in Doctor line zir ding ah mipa le nunau thleidan nak tivek pawl hi an si.Laimi hrang sin sin ah cun Women Rights hi a pawi mawh na sa.

  3. Nelly Hniangte says:

    Sim bet duh mi cu Lei lung tlun ah nunau um lo cun Daih Nak ( Peace ) a um lo ti hi mipa pawl in na hmu thiam ka duh na sa.

  4. Nelly Hniangte,

    Ziangtitha, ka lo sawn duh deuh tlat mai.
    A tlangpi thu in nunau hivek women’s right ih buai cu nunu danglam deuh an si.
    Nunau mipa tlun ih thuneih duh pawl le mipa control duh pawlin hivek hi an buapi tlang pi deuh a si.

    Asinan nangmah ka lo tinak cu a si hrimhrim lo so khaw maw.
    Asinan, women right ih buai rero pawl kha..zohawla mi danglam deuh an si hrimhrim ding ka ti ngam a si.

    Asi nunau pawl cun peace in pe lawlaw..Mipa teh in ziang kan lo pe…Daihnak men hman siloin salvation kan lo pe ve so khaw…

    Mipa cu mi pa cingcing so khaw.
    Mipa tlun ah cun nunau cu din tum hlah seh.
    Mipa pawlin kan lo duhtuk, kan lo care thotho ding asinan….lawn kai duh hlah uh tiah ka lo cah duh.

    Ka thinheng ih ka ngan siloin hivek ah buai duh hlah tinak a si.

  5. Women Right hlan ah Human Right rori hi theifiang ding le a hman daan thiam dingin zir khawm ta sehla….cu hnu le Women Right, Men Right, Children Right, Teen Right……

  6. Women Right a ra suahdan cu mipapawl an santlailo tuk ruangah ti a si!
    Mipapawl in nunaupawl anmah hnakih thil an ti thei tikah an tuarna, an cohlang thei lo. Curuangah anmah hnakin nunau an able sawn ti an theih veten an thazang cahnak kha hriamhrei ah hmangin nunau kha an palbet.

    Can a rung rei tikah cumi tuar thei lo nunaupawl kha an komkhawmaw ih women liberation hrangah an rak do.

    A tawi zawngin kan rel a si le..
    Nufa cawm thei lo pasal kha a nupi in sumpai duhtawk tei a run hawl thei tikah a thin a na ih a nupi kha a nehsawh deuhdeuh. Curuangah women right ti mi tongfang a huatupawl cu NUFA CAWM THEI LO PASALPAWL an si duh zet… ti a si… hee..heee..

    Tam ka rel duh hrih lo mai ke. Mipapawl thin ka tina tuk pang ding…hahaaa..

    Partiam

  7. Partiam, na relmi a dik tuk ah a luan lam. Mipapawl cu ningzak in um haiseh. Nunau kan thupit sawn rungah sim ding an theilo si hi. Mipa nunau thawi pawl ningzak in um uh.

  8. nan tong daanah, kawlram ih ‘Amyotami yeeya’ sung tel si ding nan bang..

  9. Eee he…..

    Francis, khavek cu a tha lo ding.
    Kan sinak cu kan hum tul si…

    Hivek daan hi na thei men ding nan…

  10. Dear youthlife,

    ” Women Right chinmi in ka nei lo ih kan tul lo ” A one way tuk deuh lo maw?
    Na ruahnak le na pomdan ngaingai a si ahcun..( he ha ) poizik tuk aw…
    Nithum sung rawl ul ih thla lo camsak tul ding. ( he he)
    Mirang pawl lawngin neihai seh kan ni in kan tul lo nati bet lai maw?
    ” Mirang pawl lawng thangso in kan ni cu thangso dah lo kung”
    na tinak tluk a si ko lo maw ?

    ” Nunau ziang ih rel lo ram, miphun cu a thandan a ziktluak dah lo” timi hi
    leilung kan bengih kan thelh lo ding vekih thuhman a si…………

    Simte,

    Mipa tlunnah din kan tum lo, nanrual ih feh kan tum men sawn si.
    “Hivek thu ah buai duh hlah uh” kan buai lo sokhaw. Woment Rights
    ti le Gender ti pawl hi tunai teih runglar mi thil an si.Nunau hi mipa aiih
    niamsawn ,mipa tluk lo, tithei mi zianghman nei lo vekih ruah, nunau an
    si hrimhrim ruangih zohniam ih control an sinak pawl hi a dik lo a si tiih a
    run hmusuak ih thailang hmaisa bik tu pawl le” Nunau pawl itnawn hlah
    uh ,thangtlang uh law tiih thanghrah le thahnem ngaizet ih training timtuah
    rero tu pawl khi mipa pawl sawn sokhaw an si sawn.

    Na tivek in cuvek ih a buai rero tu pawl cu ” Midang lam deuh pawl “cu an siko
    ding ti.. he he…Cu’i mipa ‘ Danglam deuh pawl ih zirh mi thu cu kanni nunau
    pawl hin andung tinerno ten kan thlunngam fang si hi.

    Women Rights le Gender kan timi hin nunau dinhmun khaisannak lam
    hrimhrim si maw, mipa covo cuhnak simaw a silo ih nunau le mipa, tu hnakih
    dihmun bangran deuh ih tuantlang thei dan ding lamzin a um maw ? timi khi
    a si .

  11. Ma Ruat,

    Zanlam ah ka lo let ding.
    Rak um aw maw….

    Ka ca rak siar leh aw….
    Cule, na khimi deuh ding…capoh.,….

    Na sim daan cu a dik ko nan…
    Bet ding a um deuh hmang….

  12. Dear Ma Ruat,

    Ka lo uar tuk.
    Rak tang aw…
    Ka lo el bawm ding.

    Kan mipa pawl hi an mak lo tuk.
    Kan tlak pumpo lawlaw ding.
    Maimai…

    Hniangte

  13. Ka rel ve kem…?

  14. Bawi Bik,

    Rel aw.. na duhduh.
    Ka rak lo let cih ding.
    Midang khal.. ka lo challenge.

    Chinnupawl dinhmun thei lo bangin an umawter.
    Nan thei lo ngai a si le in sut uh; ka run ngansuak thluh ding
    Cumi tik le Laipacangpawl an hmai an hup lai ding.

    Come on, Bawi Bik!

    Salini

Comments

%d bloggers like this: