Chinlung Nunphung Puai ih Thulu le Agenda An Thleng

10660200_525654674231659_8934837066650596302_n

No Al

Ram thum kom Chin tlawngta pawl tonkhawmawk ding Chinlung Nunphung Puai ih thulu le agenda pawl November ni 7 ih an tuahmi meeting ah an thlengthu theih a si.

Mani ih Chin ramkulh Hakha khualipi ih an tuahmi Chinlung tlawngta pawl hotu tonkhawmnak ah ram thumkom tlawngta hotu mipum 500 tha an suak thei i cutawkah ChinLung Nunphung Puai timi cu Chinlung Tlawngta pawl Lairelnak le Nunphung Puai tin a hmin an thleng. Hi ni a hlankhan lairelnak a tlunlam bang ih thuthluknak an tuahmi a si.

“Nunphung phuai timen cun NGO pawl an lunglut lo. Cunah proposal tuah tikah a har deuh. Curuangah Laireltlangnak timi kan betsal. A umcia mi thulu khal ah Lairel tlangnak cu a um thotho ding. A thulu lawngah Lairel tlangnak timi a lang lo men” tiah cangsuak committee sungtel pakhat a si mi Salai Van Thawng Thang in The Messenger Media ah a sim.

Tui’ kum November thla thok ah tuah ding ih an hisap mi Chinlung Nunphung Puaipi cu sumpai lam remcan lonak ruangah hmaikum 2015 April thla ni 8-10 ih tuah ding in a ni an thawnsal.

“Nunphung hmuhawknak pakhat lawng si lo in hmailam caan Chin tlawngta pawl ziangtin ke kan kar ding, cun Kawl ram pumpuluk Chin tlawngta bu din thei ding khal kan rel tum” tiah cangsuak committee hotu Salai Ngun Lian Sang in The Messenger Media ah a sim.

Cui’ an relkhawm dingmi hi thulu 4 ah an then: cu pawl cu Federal le Chin, Kawl ram tlawngta cangvaihnak ih Chin tlawngta pawl thuhla, Fimzirnak fehphung ih titheinak le Chin ramkulh ih fimzirnak, Milai covo le tlawngta covo pawl an si ding thu theih a si.

Ref: The Messenger Media(Nov. 8,2014)

Comments

comments

Comments

%d bloggers like this: