Chinlandtoday In Kan Lo Hmuak!

Chinlandtoday hin mipi a riannak kumkhat a kim zo. Ram kip le hmun kip ih um kan palaipawl ih ca nganmi hleiah thangthar nonawn siarcawklo in capoh, thufim, nunthuleng, biazai le cahram dangdang kan ngan khawm tikah Chinlandtoday (CT) ih mipi riannak a kau sinsin a si.

Tuini tiang (CT ID) chinlandtoday@yahoo.com le website sung ih comment in pekmi hmuahhmuah atha le sia thleidang hranpa loin mipi hmuh diangah pholang theu a si ruangah catha zetzet a um rualrual in siar harsa zet khal a um phah ko ding. Casiartu pawl in kan thliarhrang thiam ih a lungawi um nasa.

Kumkhat sung hnatuannak ah sawiselnak le harsatnak tampi kan tawng ko nan kan kiangkap ih “in pe hram uh”, “in bawm hram u”, “in run uh”, “ei ding kan nei lo”, “siin ding kan nei lo”, “kan thi thlang ding” tiih a au rero kan mipi ram sung ram le ih khawsa pawl hrang ahcun sawiselnak le vuihramnak tongkam cu kan hnaset tun in mipi hrang ah kan theitawk kan tuan rero a si.

Chinlandtoday hi zo ih tabul ti um lo in kan Chinmi zate ih ta a si. Laimipawl ih kan khawmual; kan tualrawn ah hmang sinsin uh si. Kan Chinmi thansohnak ding hrang ih hman ding a si. Chinmi thansonak ding a si ahcun tin liamcia caan khalah khohkhah takin ke a kar rero zo ih a kar sinsin ding.

Nonawn tampi hi kan chinlandtoday ah cangan ding ah kan lo sawm a si. Atu ah mino tampi in ca kan ngan rero zo. Zovekih ruahnak khal ngainep ih dungtun san men lo in kan tar ringring a si. Cun, himi website kaitu pawl hi ram kip ih um kan si vekin kan caan hmandaan a bang aw lo ih cunah nazi 24 sung online kan um a si.

Chinlandtoday hi zate ta a sivekin mipi kan zaten ca ngan ding ah sawm le theihter kan si. Kan theihmi thuthang phunphun tarlang a theih ringring. Zo ih ruahnak hman kan hnawl dahlo. Chinlandtoday na hmu daan le thapek in duhnakpawl khal contact chinlandtoday@yahoo.com ah in kuat ringring thei a si.

(Visited 32 times, 1 visits today)

Comments

comments

Comments

%d bloggers like this: