Chinland Tour Guide Website Zohtheih In A Um Zo

GFYO (Global Falam Youth Organization) in tawlrelnak in Chin Ramkulh Khualleng Kaihruaitu (Chinland Tour Guide) website (chinlandtourguide.com) cu February 1, 2017 ah mipi zoh theih dingin tlangthannak an nei.

Himi hi Chin state sungih khawpi pawl le zohtlak hmun le ram, ramleng mipi pawl ih zoh ding tha dangdang pawl ret khawmnak a si. A hleice in Chin ramih a ra thlengtu khualtlawng pawl hrangih tangkai zet dingin le Chin ram sungih hmunnuam le zohtlak hmunram kan neihmi pawl olsam zetih thleng thei dingih lamkhihhmuhtu thazet a si.

GFYO ih General Secretary rak tuan dahtu Salai Rih Lian in “A thangso vivo mi san ah kan um thlang tikah kan khua kan ram a ra tlawngtu pawlin kan neihmi zoh tlak le hmun nuam pawl ol ai ten an hawl thei ih a n fehthei nak ding duhsannak thawn himi website hi kan tuahnak a si. 2015 ihsin tuah thok a si zonan tawlrel tu lam manlo le harsatnak tete ruangah malte kan rei deuh ih tu lawng ah kan launch nak a si” tiah a sim.

Himi website tuahsuaknak ih tuanvo latu bik a simi Salai Nung Lian Sum in “Duhthusam ih famkim cu a si hrihlo, a Sinan a tlangpi in cu a famkim pam ko, nuam teten update vivo kan tum ding” tiah a sim.#

Comments

comments

Comments

%d bloggers like this: