Chinland Today Team A Veihnihnak Chinram Bawmnak Fang Dip 100 Le Thildang Pawl Pe Ding

Falam Thlenhlan lampi an tuahnak hmun

Falam Thlenhlan lampi an tuahnak hmun

Tilian le leimin ruang ih harsa tuar pawl bawmnak pe dingin Chinland Today Team cu Laitlang lamah a veihnihnak hrang a feh sal ding. Tuitum ih a fehnak ahcun Yangon Sibawi groups pawl le mi dangdang pawl ih bawmnak pek mi pawl peknak a nei ding.

Tu hi a țum hnihnak ih a pek ding mi pawl cu, Yangon sibawi group le donator pawl hnen ihsin ting 40 țha le tidai thianternak khawl pawl, hnipuan pawl, Shweli group hnen ihsin Ting 14 man kalape, le Letpan mino (Singapore) ihsin ting 6, Mai Za Iang Nei hnenin ting 2, PCM Chin Synod- Țio hnen ihsin ting 2, le fangfai dip 100 pawl an phur so ding tiah Kalay nitlaknak lam ih Chinland Today Team hotu Salai Jesse Cun cun a sim.

Lakhruak tilian ruang ih harsa tuar Tikhing, Hakhalay le Webulah le a kiangkap khua pawl bomnak hrang khal țhahnem tham zet cu pek an si zo. Hakhalay le Tikhing ih lut zo zat hi a sumfai in ting 60 tluk a si.

Tuitum Laitlang ih fangfai le thilri pawl hi Tahan ihsin Chinland Today Team aihawh in Salai Kim Khai ih hoin mi pathum hrawng an so ding ih Falam ihsin Pastor Van Bawi Lian in a rak tawlrel pi ding ih Falam Mino Pawlkom thawn tuangtlang in khawte lam palai pawl kut rori ah bawmnak pawl hi thlen thei tumtah a si. An khua cio va thlen thluh theih a si lo hmanah Falam ah an palai koin pekhlannak neih ding a si.

A veikhatnak ih Chinland Today Team Laitlang ah fangfai dip 200 le thuamhnaw, sumpai pawl bawmnak a pe zo.

 

(Visited 264 times, 1 visits today)

Comments

comments

Comments

%d bloggers like this: