Chinland Today Media In Miss The Hakha Post 2017 Tlun Ih Mipi Hnen Simfiangnak

Chinland Today Media in Miss The Hakha Post 2017 an tuahmi hi kan lungawipiin thazaang kan pek. The Hakha Post Media in an Page promote an tuah duhnak a si tiih an talang vekin, kan Page le kan groups khalah an Page ah mipi pawl in VOTE thlak dingin le LIKE, Share tuah ding khalin kan rak bawm ve.

Chin mi pumkhat kan si. Pakhat le pakhat kutkaiin fehtlang ding kan siih Pathian ṭihzahnak, diknak le fimnak thawn kan miphun kan tungding tlang ding tihi Chinland Today Media ih a thuken le a fehpi mi cu a si.

Phun Hnam Ṭannak A Silo
++++++++++++++++++++
Falam, Hakha, Matu, Tedim ee.. tiih ṭan luar neilamnak ruangih hi thu hi hlailang mi asilo. Kan Chin lengdawh pawl ONLINE parih an tarlangzo vekin ding le ziktluak zet ih a um ding kan duhnak ruangah a si.

A ngahtu zo vek an va si khalle a sinakvek te in an ngah ding mi a si. Cucu a dik mi lairelnak le minung covo ih a ken mi a si ruangah mimal soisel awknak, Media pi ti mualpho tum hrimnak pawl Phun Hnam Ṭan Luarnak ruang ah a si hrimhrim lo.

Kan Chin ramah a dik mi le a fek mi lairelnak, mipi canvo tluktlangnak, Media pawl ih zalennak le dingnak pawl a lal theinak ding ruahsannak thawn hitin kan tarlang mi a si.

Chinlan Today Ih Ngan Sual Mi
+++++++++++++++++++++++
An mark ngahzat ngan mi ah Chinland Today Media ih kan ngan mi malte rem ding a um. Cumi cu ‘Pahnihnak ngahtu Cung Cer Cin in zate kom ah 8409 ngahin, Shares 1040, Like 1305, Comment 5670 tiin an pe.’ timi zawng te ah COMMENT le LIKE kha kan rak ngan lingleng COMMENT 1305 le LIKE 5670 ti sawng ding a siih A netnak sangtu para ih Cin Kuk in Share 1049 Like 3.5K a ngah ih pakhatnak ih an pek mi Mawi Mawi in Share 1028 Like 2.8K lawng a ngah.. timi ah Mawi Mawi in Share 1028 ti siloin 1092 ti sawn ding mi a si.

Miss The Hakha Post 2017 An Palhnak An Relfiang Theilo
++++++++++++++++++++++++++++++++++++++++++++
Miss The Hakha Post 2017 hrilnak hrang ih daan le duun an tuah mi ah a hriltu pawl ih duhsaknak VOTE men silo Online mipi hnenih a tlak mi VOTE an siar dan ih an diklonak ah ṭuanvo neitu hnenah Chinland Today Media thusuhnak neiin reltlangnak kan nei nan simfiangnak le relfiangnak an nei thei ngaingai lo.

Vote thlaknak hrang mipi hnenih an tuah mi daan le duun ah, Share, Comment, Like, Sms, Viber le Messenger ti pawl a si. Himi hleiah a thuahawk mi Comment, phunhnam ṭan luarnak ruangih mawiloih comment, mi pakhat ih vei tampi Share le Comment ti pawl hrilcih lo ding pawl tla a tel.

An hmatpeknak ih tamzet lak ihsin mi pakhat in veikhat lawng a tuahthei mi cu LIKE peknak te khi a si.

Himi ah Miss The Hakha Post 2017 pawl in VOTE an siardan hi fiangten an relfiang thei hrihlo. A dang Comment le Share pawl cu retṭha in himi LIKE te ih an ti dan an rel fiang mi khal, an tahfung thawi a milaw mi a si hlei cuanglo. Pakhatnak ngahtu Genevieve Van Iang Mawi@mawimawi hnakin, pahnihnak ngahtu Cung Cer Cin@Cinkuk ih Vote ngahmi hi a thawng tam in a thlau awk hrih ko.

Hitin simfiangnak an nei ‘The Hakha Post Page ah Cinkuk in Like 3500 a hmuh. Genevieve in Like 2800 a hmu. Cun Share ah Cinkuk in 1040, Genevieve in 1092 a hmuh (Hihi The Hakha Post page le anmah Timeline ta kom cih mi a si.) Asinain, mark pek dan ahcun The Hakha Post page lawng si loin anmah Timeline ah Cinkuk in share 40 a hmu, Genevieve in 92 a hmu. Cun The Hakha Post page ih photo by photo (an zuk tinkip ah) Genevieve in like 3041, Cinkuk in 2170 an hmu’ A tlunta pawl kom ihsin Genevieve in LIKE 171 in a thlau Share ah 52 a thlau’ tiin an ti.

LIKE peknak hrangih Mark an siar mi cu an mai zuk umnak The Hakha Post Page, an zuk an tar miih Like ngah zat le timline (himi hi ziangmi timeline ti a fianglo) ihsin an pek mi a si tiin Miss The Hakha Post 2017 hriltu pawl cun an simfiang an tarlang.

A ngahtu Mawimawi le Cinkuk ih zuk tarmi a bangawklo. Mawi Mawi Page ah zuk 7 a um ih Cinkuk Page ah zuk pathum an um. Asinan tluktlangaw zetih an lak ko ding ti ruahsannak thawn Mawimawi ih zuk ihsi LIKE ngah tambik pathum an hril ding tiin zumnak cu a um.

Page ih an ngah mi pawl ih VOTE cu a hnuai lam vekin a si

A Ngaingai Cu Hitin A Si
++++++++++++++++++
1. Cin Kuk ih LIKE
Page Parih LIKE = 3512
Photo by Photo (3 photos) = (680+699+815) 2194
Cinkuk ih LIKE ngahmi zate = (3512+2194) 5706

2. Mawi Mawi ih LIKE
Page Parih LIKE = 2852
Photo by photo (7photos) = (528+461+434+392+435+377+442) 3069
Mawi Mawi ih VOTE tambik 3 (528 + 461 + 442) = 1431
Mawi Mawi ih LIKE ngah mi zate = (2852 + 1431) 4283

Curuangah Mawi Mawi hnakin Cinkuk in LIKE 1423 in a ngah tam hri lai tinak a si.

A Dang LIKE Thu An Sual Bet Hrih
++++++++++++++++++++++++++
The Hakha Post in pathumnak ngahtu Shwe Hle Sung @ Hlehle in LIKE a ngah tambiknan a buailo tiin an ti.

Himi khalah an palh thotho.

Zohfiangnak
Shwe Hle Sung @ Hlehle ih LIKE
Page Parih LIKE = 3150
Photo by photo (6 photos) = (751+627+654+525+523+594) 3674
Zuk pathum ihsin tambik LIKE = (751+627+654) 2032
LIKE ngahmi zaten = (3150+2032) 5182

Cinkuk hnakin 524 in a mal ih Mawi Mawi hnakin 899 in a tam.#

zuk: The Hakha Post Page

(Visited 34 times, 1 visits today)

Comments

comments

Comments

%d bloggers like this: