Chinland Today Media Kum 10 Kim Puai!

1085422_10201554807331102_650431171_n

Melbourne ih CT kum 10 Kim Puai lawmtu pawl

Chinland Today Media kum 10 kimnak puai cu leitlun hmun dangdangih Chinmi pawlin an hmang khawm. Ahleice in, US, Australia le Singapore ih Chinmi pawl cun CT kum 10 kimnak hi ruai kil, le lakphak in khawmnak thawn Pathian hnenah lungawithusimnak in  caan an hmang.

Thomas Tha Nei Ṭhuam
30 July 2013

1004892_413327258783802_1802806978_n

Kansas Chin Christian Church ih hmangtu pawl

CT Kum 10 Kim Nak Lungawithu Simnak Le Thlacamnak Kansas Chin Christian Church (USA) Ah Tuah

CT kum 10 kimnak lungawi thu Pu Thomas Pathuam in tawi famkimten simnak a nei.
Sun khawm theh ve ten KCCC ih Pastor Thang Lian Kima in “Chinland Today hi Pathian hnatuannak phun khat a si ti ah kan ti thei.

Ziangahtile Pathian thuthangtha a phunphun an ngan ih hlei ah, leitlun thuthang in ngan sak. Leitlun ah ziangmi a cang rero ti kan theih tikah Pathian thu ah nasaten ttan lak a tul timi in theihter” tiah CT tuanvo neitupawl parah lungawi thu a sim.

Cumi hnu ah CT hmailam a fehnak hrangah le ei in hrangah thlacamnak a nei. A ra khawmtu mipipawl in a sang le a dai (cold drink) kan hmang khawm ih lungawizet in caan kan hmang.

SINGAPORE AH CHINLAND TODAY KUM 10 KIMNAK LAWM

28 July 2013
Mai Daidim

600246_484917888262887_40015811_n

Singapore ih Chin fahniang pawl in KFC thawn CT kum 10 kimnak an lawm ih KFC an ei laifang a si….sumpai cemliam zaten CT FB Admins pawlin an tum theh….

“Chinland Today” ti hmin thawn Chin miphun a riannak Kum (10) kim hminsinnak le Chinland Today Facebook mipum 33,000 tiangkim aihnak ah Ram ramli ih puaituah ding tumtahnak neih a si vekin Tuisun(28.7.2013) cu Singapore ih Falam pawlkom a simi FCFS biakinn ah hlunghlai zetih puai hman a si.

CT facebook Admin Singapore ih um minung pakua kan si ih kan zaten Kan suakkhawm thluh thei a lungawi um kan ti zet. “Lungawi Thusimnak & CT Thuanthu Tawi” tiin ca ah ngan tahratin a ra khawmtu mipi hmuahhmuah zemsuah an si.

CT Admins pawl cun “Van Siangpahrang Fa” ti thangtthatnak hla thawn mipi kan awi. Thangtthatnak hla sak zawng khalah puai tuahdan thuhla thawn pehpar in Admins ai-awhin ‘Mai Daidim’ cun thusimnak malte a nei bet.

Khawmtu mipum 190 tluk kan um. Kan hlunghlai nasa. Ni thupi lo ahcun khawmtu hi 120-130 karlak hi a si-aw ttheu ih Khawmtu mipum 150-160 hrawng dingih ruah a rak si ruangah KFC kan rak cah mal deuh. Khawm lai ah Minung 40 hrang cah bet a si. Sunglawi kan ti in Pathian hmin kan thangtthat!

AUSTRALIA AH CHINLAND TODAY KUM 10 KIMNAK LAWM

Salai Uk Lian
27/07/13

Tuizan ah Chinland Today Facebook group pawlih hohanakin Melbourne, Australia ah Chinland Today kum 10 kimnak puai kan hmang khawm. KFC kan ei khawm ih Salai Van Bawi Lian (CT Administrator) in Chinland Today thuanthu pawl simnak a nei.

1082043_10201573206791077_1263726281_n

Chinland Today Facebook Admin, thenkhat pawl

CHINLAND TODAY MEDIA THU

By Uk Lian

Chin Calai duhdawttu pawl cun New Delhi ah tawngaw khawm in, 12-8-2003 ah Chinland Today thlatin Magazine suah dingah a rak relcatih 7-11-2003 ihsin Chinland Today Magazine cu suah thok a rak si. Chinland Today thlatin Magazine cu siartu le duhtu a rak neih tam ruangah thla khat veikhat tawk tiloin Salai Van Bawi Lian le Salai Uk Lian in Weekly News (Zarhtin Thuthang) in 3 June 2006 ihsin an rak suah thok.

Cutin, Chinland Today Zarhtin Thuthang cu New Delhi Chinmipawl hrang lawng siloin ramdangih um Chin mipipawl tiangih siar theih dingah thlangcabawm pawlah rak update ringring a si. Tlangcabawm ih an tarlang ṭheu cu tawk tiloin, Tuesday, November 11, 2008 ihsin Chinland Today Blogspot an rak tuah. Hi, CT Blogspot ah CT Thuthang le Cahram pawl an rak ret ringring.

Chinland Today cu Magazine le Zarhtin thuthang thawn nasa zetih a ṭuan hnu ah ramsung le ramleng Chin mipi ih siar theih dingah website in, ding suak dingah tumtahnak an nei ih, tui Chinland Today Media, Website cu 15-October 2008, nazi 03:18:26 UTC ah a rak piangsuak a si. Cuisin, Chinland Today mipi hnen ih tlangzarhnak neih asi hlanah, US, Australia, Denmark le India ram pawlah pastor pawl sawmin thlacamnak thawn Chinland Today Media, website hi rak ong a si.

Magazine le Zarhtin thuthang thawn Chin mipi hrang a ṭuannak hi tuikum cun, kum 10 kheng a si thlang. Website zawngih a cangvaihnak khal kum 6 a kim. Ahleice in, santhar mino pawl hrangah tiin Chinland Today cangvaihnak pakhat, Chinland Today Facebook Group cu December 12, 2012 ah rak din asiih tuini tiang Admins ṭuan 21 an um ih Chin group ṭhabik le member tambik khal tuini tiang ah a si lai.

Tuisun ah CT hmin in Pathian hnenah lungawithu sim kan duh. CT a rak din thawknak kum (10) a rei zo. Pathian in santiluan ih zir in kan mipi hrangah khawvang hmu thei dingin CT hmang in lam in hruai ruangah Pathian ka thangthat ngaingai. CT timi cu Chinland Today tinak a si. Tulai facebook ah upa nauhak ih hmanbik mi san kan thleng ih CT FB hmangtu member 33,000 lenglo an um. Thuhla tampi relnak siseh, thuthang a phunphun kan miphun hrangah ngansuahnak hmunpi a si.

Neitabikah, CT hmangin leitlun khawvel ah ziangmi a cang rero ti in theitertu a si vivo ding. Leitlunah ziang a cang ti kan theihtikah Pathian thu ah ziangvekin ttan kan lak a tul ti in theitertu a si ding. Curuangah CT a nun khua sau hramsehla leitlun thuthang, Pathian thu ah kan cahnak le Pathian hmin sunlawinak hrangah si hramseh ti hi kan thlacamnak a si. Thil ziangkim kan tuahmi hi Bawipa sunlawinak hrangah si ringring seh.

(Visited 254 times, 1 visits today)

Comments

comments

One Comment

  1. CT tuhnu kum saupi silver, golden, diamond le centenary tiang na camcin ding thla kalo cam sak.

    Salai Ram Duh

Comments

%d bloggers like this: