Chinland Herald & S/m Chin Chin Pek Thang Suhtonnak

Chin Chin
NB: Chinland Herald hi Falam khua ih suak nitin thuthang a si.

SAYAMA CHIN CHIN PEK THANG SUHTONNAK

Lai Nu sung ihsin Myanmar rampi ih ramkhel le remdaihnak lam hnatuannak ah hotu dinhmun ih telbaan kan neihmi kutzung siar theih sung ihsin Sayama Chin Chin Pek Thang (Director, NBF) le Chinland Herald cu 2015 January thla ih Japan Prime Minister ih sawmnak vek in an tlawnnak thu ah le ramkhel thu dangdang ah a tanglam vek in suhtonnak kan nei a si:

CH: : Na Short Biography in hlawm thei pei maw?

CC: :Falam khua ih um Pu Pek thang le Pi Biak Vel ( Tlei cia) te ih fale 9 sung ah pa 8 nak ka si. Unau mipa 3 le nu 6 kan si. Ka pa hi 1945 in falam khua ah dawr tuah in khua a rak sa. Kan unau zaten falam khua ih suak kan si. Fapa 2 ka nei Steven Van Lal Zual le Christopher an si.

CH: :Tulaifang na hnatuannak le nan tuandaan in ruah thei pei maw?

CC: : Tulaifang ka hnatuan cu a thupibik ah kan ram ah Remdaihnak a um thei nak ding ah Tlangpar Hriamkai pawl le Acozah karlak ah pehtlainaklam ah ka bawm. Cun, Nationalities Brotherhood Federation ( NBF) ti ih kawh mi Tlangparmi kom-khawm political party 22ah Director ka tuan. NBF hi 10, October, 2010 ah kan rak thok. Tumtahmi cu Tlangparmi political party pawl Ralkap uknak le Midang pawl ih duhduh ih in tawlrel thei lo dingin kan lungrual a tul ti bik asi. 2010 Election ah MP a tling mi NBF mipum 160 kan nei ih tlangpar mi pawl ih kan thazaang pakhat a si.

CH: :Tuitum Japan ram ih nan fehmi hi ziangmi thuhlabik ah nan feh ih zo pawl nan tel?

CC: :Tutum Japan ram kan feh nak hi Japan Prime Minister Shinzo Abe ih sawm nak in kan feh, Japan le Myanmar karlak ah pehtlaihnak fek sinsin ding le Ram-hrin pawl thansonak thuhla relkhawm ding bik ah kan feh. NBF in mi (5), SNDP ihsin Chairman Sai Aik Paung, Arakan National Party in U Oo Hla Saw, CNDP in Pu Zo Zam, Federal Union party in Saw Than Myint , Myanmar Farmer Development party in Chairman U Kyaw Suar Soe, U Mg Mg tla kan si.

CH: :Japan ram ih Prime Minster in Myanmar Ramhrin pawl hnen ah bomnak peek dingin a lo tiamkam hai tiah kan thei ih ziangvek in si thil umtu daan pawl in ruah thei pei maw?

CC: :Japan Prime Minister hin Myanmar Ramhrin pawl ih kan khuasak daan le kan sidaan ngaingai hi theih a duh lawng silo in, kum( 60) lenglo Ralkap uk nak sungah kan um ih kan zatlang nun kan niamtuk mi pawl ( Lamzin, meisa, sizung, cazirnak tlawng, Sumhnam zuatnak, Ciciin Thlai-thlaaknak) lam tiang in thansonak kan lo bawm ding tiah a ti nakasi.

CH: :Camkhat te nan fehsungah Japan ram, an ramkhel (Politic) le Japan miphun tlun ih na hmuh daan?

CC: :Japan ram hi tikulh ramfate, zianghman natural resource suaklo nak asinan Politic ah ( Stable) an sinak a rei zo ih uknak lam le Thansonak lam ahcun zohthim tlak taktak an si tiah ka hmu. M iphun an duhdawt aw, pakhat le pakhat an upat aw, an nunphung an sunloih, Harhdamnak hrangah ei le in an ralring zet, Sikaan an nei.

CH: :Hmailam ah teh tuvek in feh vingvo thei ding nan si maw? Myanmar ram ihsin zovek cin paw an sawm vingvo tum tivek tla theih kan duh zet?

CC: : A tu vek ten thuhla a that vi vo ah cun feh vingvo ding kan si.
CH: :Japan khua khuitawk hmunhma pawl an lo fehpi cumi sung ihsin danglamnak asilole cinken dingmi tete hlawm duhmi in nei maw?
CC: : Japan pawl in Snow (vur) khualipi an ti nak Niigata khua ah zankhat in fehpi ih an museum, Niigata University, Graduate School of Medical ah in leengpi. Tlang le tlang sung in Tlangleeng lamzin an tuah ih Bullet Train ( Cerek Tlangleeng) kan to.Tokyo in Niigata cu peng 500 tlun a sinan nazi 1:30 sung lawng kan rei. Tlangtlun le tlang sung ah kan feh ih cu mi tlang kan lan cun an khua cu vur lawng lawng in a khat. Vur hi 18′ a sah. An sizung kan zoh mi pakhat cu ansaknak ah USD million 2000 a cem an ti. Cun Tokyo ahcun Toshiba Company le The National Diet Of Japan ah in feh pi. An Parliament Building sunglam cu a ropi zet ih kan ram Hluttaw thawn cu a dang lam zet. Cuih innpi sung ahcun an Siangpahrang tonak khan le a thu rel nak hmun pawl tla a um. Cu mi building cu 1920 ah an sak thok ih 1936 ah an theh suak. Kum (16) sung an sak. Representative seat 480 a um ih cumi sungah Numi (45) an tel thei ve.

CH: :Hmailam ah teh tuvek in feh vingvo thei ding nan si maw? Myanmar ram ihsin zovek cin paw an sawm vingvo tum tivek tla theih kan duh zet?

CC: : A tu vek ten thuhla a that vi vo ah cun feh vingvo ding kan si.
CH: :Japan khua khuitawk hmunhma pawl an lo fehpi cumi sung ihsin danglamnak asilole cinken dingmi tete hlawm duhmi in nei maw?

CC: : Japan pawl in Snow (vur) khualipi an ti nak Niigata khua ah zankhat in fehpi ih an museum, Niigata University, Graduate School of Medical ah in leengpi. Tlang le tlang sung in Tlangleeng lamzin an tuah ih Bullet Train (Cerek Tlangleeng) kan to.Tokyo in Niigata cu peng 500 tlun a sinan nazi 1:30 sung lawng kan rei. Tlangtlun le tlang sung ah kan feh ih cu mi tlang kan lan cun an khua cu vur lawng lawng in a khat. Vur hi 18′ a sah. An sizung kan zoh mi pakhat cu ansaknak ah USD million 2000 a cem an ti. Cun Tokyo ahcun Toshiba Company le The National Diet Of Japan ah in feh pi. An Parliament Building sunglam cu a ropi zet ih kan ram Hluttaw thawn cu a dang lam zet. Cuih innpi sung ahcun an Siangpahrang tonak khan le a thu rel nak hmun pawl tla a um. Cu mi building cu 1920 ah an sak thok ih 1936 ah an theh suak. Kum (16) sung an sak. Representative seat 480 a um ih cumi sungah Numi (45) an tel thei ve.

CH: :Tuitum ih nan tonmi ah Prime Minister lawng a si maw, mi dang ramkhel in siseh, ziinkong (role) dangdang in tonmi le ruahmi nan neih mi a um maw?

CC: :Kan tong mi tam pi lak ih a thupi deuh kan ton mi pawl cu, Japan – Myanmar Parliamentary Friendship Association ih Chairman Mr Aisawa, General Secretary Watanabe, Toshiba president Mr. Tanaka, Komeito party Chairman Natsuo Yamaguchi le Sakura President pawl an si.

CH: :Tulai fang Myanmar ram sungih Kahcolhnak le Remdaihnak karhlannak pawl ah ziangvek in ruahnak na nei? Cun nan telnak hnatuan le nan buaipi rero mi pawl ziang an si?

CC: :Tulai fang Myanmar ram sung ih kahcolh nak le Remdaihnak karhlan nak hi sim ding a harzet in ka thei. ZUM aw theilonak hin karhlan nak a dawnkham bik in ka hmu. Cun, Political Dialogue (Ramkhel Ton-khawm Biakawknak) a umlo cun ziang tik hmanah kahcolhnak a um theilo ding. kum 60 leng lo tlangpar mi pawl in kan tuar nak hmuah hmuah le kan dil rero mi Federal Ram pi kan si thei nak ding cun Political Dialogue kan tuah a tul hrimhrim. Political Dialogue tuah suak thei ding in lungkimnak a um veten relcih thei dingah (Framework for political Dialogue) cu party 56 in lung kimnak an nei thei zo mi ah Ka tithei tawk in ka tel ve ih acozah lam le Hriamkai pawl bukhat hnu bukhat thawn tong aw in va hrilhfiah fiang vingvonak ah ka tel ve.

CH: :Ramkhel lam ah tla na lutthok tum ti kan thei, ziangvek in tan na laak tum ti in ruah thei pei maw?

CC: :Ramkhel lamah lut ding cun Pathian rem ti daan a si leh ding.
CH: :Kan ram le Chin mipi hnen ah simduhmi na nei le…………………..
CC: :Kan ram a damnak ding le kan miphun kan thanso ih miphun dang kan bang thei ding ahcun, maih phunhnam le maih zawn lawng ruat lo in, Kan Chinram le kan Chin miphun zawnruat in DUHDAWT NAK LE LUNG RUAL NAK thawn kutkai aw in feh tlang uh sih.
CH: :Cule CNF le Acozah, Chin ram sungih remdaihnak thuhla “Remdaihnak Committee” Dinhmun in ziangtin hma nan rak laak daan le tuini ah ziangmi dinhmun ah ka thleng titla mi pi hnen ah in sim thei pei maw?
CC: :CNF le Acozah karlak ih Remdaihnak Committee hi 1996 ah rak thok a si. Ralkap acozah uknak kha a rak hngetkhoh tuk ih cu lai ih hmai in norpitu cu Shalom Foundation a si. A vei 1 nak PEACE TALK tonawknak cu 2007 march thla 15-16 ah RIH ah CNF Le Ralkap acozah tonawknak kan rak nei ih tong aw sal leh ding ti thukamnak a um nan ( Saffron Revolution, Shwe waa Yaung Tawhlan Yee) ruangah tongaw theisuak lo in a um lo lanta. President Thein Sein ih Remdaih-nak Sawmnak in 2012 January ah State level, May thla ah Union level ( 1 ), le December thla ah Union level ( 2) ti’n vei ( 4 ) tong aw theinak le kahcolhnak lungkim nak an nei suak thei. Hma rak lak daan pawl cu rel ding a tam ih ka rel nawn lo mai ding in ngai thiam uh. Remdaihnak thawn pehpar in hnatuan tu hi kan ram sungah Numi kan mal tuk ih cu cu a poi ka ti.
CH: :Caan peek in kan suhtonnak in sansal ruangah kan lungawi ngaingai?
CC: : kei tla ka lungawi.

Comments

comments

Comments

%d bloggers like this: