Chinland Guardian Hotu Salai Van Biak Thang Hmaitonnak

Paul Harris Fellow Award ih laksawng peklai Rotary Club of Bideford ih president thawn

Hmin: Van Biak Thang
Kawhduat: Pa Biak
Cafung hmin: C. Van Lian Tu
Suah ni: 23 August 1977
Nulepa: Pu Ngun Hram le Pi Tial Nawn
Innsungsang: Far pahnih: Par Dim (USA) le Diana Tial Tin Zing (Tleicia)
Suahnak khua: Mindat, Mindat Township
Tui umnak: London, UK
Rawl duh bik: Sabuti
Qualifications: B.Sc in Computing
Nupi neih le neih lo: Nei lo
Hnatuan: (volunteer) Assistant Editor, Chinland Guardian; Media Project Coordinator, CHRO; Freelance translator and interpreter
Hobby: tlangkai; badminton lek;
Cabu duhbik 3: Long Walk to Freedom by Nelson Mandela
Politician uarbik mi:
Motto: ‘Not to be served but to serve’

CT: Mirang in biazai paziat na ngan zo…ziangruangbik ah biazai na rak ngan?

Van Biak Thang: Mirang in biazai ka tialmi hi zaleng kai cu si diam ko cang. Ka rak tial duhnak bik cu kan miphun, kan nunphung le kan sining kong hi kanmah lawng nih si loin midang zong nih kan thei ve hna sehlaw timi saduhthahnak he a si.

CT: Ziangtik ihsin biazai na rak ngan thok?

Van Biak Thang: Tial thok cu 1998 khan a rak si i a hmasa bik mekazin ah an rak chuah cu 1999 ah a si. ‘The Charm of Chin Hills’ tiah ka rak tial i Dr. Cung Lian Hup nih a chuahmi ‘Thinking about Christianity and the Chins in Myanmar’ timi chungah a rak i tel i Hakha Centenary puai ah an rak zuar hmasa.

CT: Thuthang teh hi ziangtik ihsin na rak ngan…ziangmi ruangah thuthang na rak ngan?

Van Biak Thang: Laiholh (Hakha) cun sianghleirun (university) ka rak kai lio ah ka rak tial tawn. Cucu 1995 kum hnulei in a rak si. Nain, Mirang ca in ka tial cu London, UK ka phak hnu 2004 kum in a rak si.

CT: Thuthang ih a thupitzia tla in ruah cih aw.

Van Biak Thang: Thlanglei Lairam ah vailam tung an phur, an hrawk i chaklei Lairam ummi nih kan thei lo. Kan theih lo tikah an caah thlacam ding kan thei lo i bawmh awk zong kan thei lo. Cucu thawngpang kan theih lo ruangah a si. Cun, thawngpang theih a thatnak pakhat cu Chinland Guardian nih kan tonmi pakhat chim ka duh. Lairam ah pastor pakhat an tlaih i cu kong cu Chinland Guardian nih kan tial hnu ah BBC Burmese nih an chim than. Cu thawng cu cozah uktu le ralkap nih an rak ngaih ve tikah pastor pa cu an thlah than. Thawngpang kan theih lo ahcun tuahsernak zong a um kho lo. Cucaah, thawngpang rel le theih hi kan caah a rak biapi hringhran.

BBC World Debate, London, UK

Van Biak Thang: Catial thiam ruangah si loin Chinmi kong, tlangcungmi kong le Kawlram kong ah cawlcanghnak le daihnak caah riantuanmi tete kha theihhngalhpinak laksawng a si. Hi laksawng a min cu ‘Paul Harris Fellow’ ti a si i ‘The Rotary Club of Bideford’ (UK) nih pekmi a si. Hi club i chungtel a cheukhat he kan i theihnak a sau ngai cang. Nikum ah voikhat biachim an ka sawm. Thawngpang tialmi le riantuannak kha email in siseh, maivan (website) in siseh an rak rel peng ve. Hi club chungtel nih ‘nominate/propose’ an tuah, zapi an i caih hnu le an hnatlak hnu in tuahmi a si. Anmah an chimnak ahcun ‘nangmah min in harnak a tongmi hna kan bawmh hna e’ ti kha an chim.

Hi laksawng hi zeidang si loin Burma le Chinmi kong an kan theihpinak le kan harnak an kan intuarpinak an langhternak a si ko. Keimah tuah khawhmi si loin kan zapi tein kan i bawmhnak, thla kan i campiaknak le thazaang kan i peknak in a chuakmi theipar a si. Hi laksawng chungah ai telmi cu upatnak roca (certificate), tangbenh (gold pin) le tang-oih (gold medallion) an si. Cun, hi club ah chungtel ka si colh i khuaza kip ummi club sinah i tel khawh a si tiah an ka chimh.

CT: Na tlawng phunhrek kai lai ihsin tuini tiang ca na zirdan in ruah aw.

Van Biak Thang: Tangcheu in tanghra tiang hi Thantlang (High School) ah ka kai i tanghra ka rak cawn lio ah ‘sa-rih-tah-mawng’ an rak ka pek. Khaikam College (Kalay College) ah 1995-96 kum ah physics a kum khatnak ka rak kai i 1996 kum ah a kum hnihnak cu Hlaing College (RC 2), Rangoon ah ka rak kai. Sianginn an khar ruangah a kum thumnak cu Dagon University ah ka rak kai. Ka dih hlan ah London, UK ka phan i University of East London in B.Sc in Computing ka dih.

CT: Kawlram ih tlawng na kai lai ah ziangmi si ding in tumtahnak na rak nei dah?

Van Biak Thang: Ka cawnmi paoh ah thiamnak ngeih le pakhatnak si ding kha ka rak duh bik. A thiam bik ka si khawh lo hmanh ah a zuam bik tal si ding cu ka rak duh. Physics hi ka rak uar ngai ko nain Kawlram university ka phak tikah duhning in cawn le thiam khawh a rak si lo caah ka lung a rak buai ngaingai. Cu ruangah riantuan tu ka rak i zuam than. Mirang nu sinah holh lettu ka rak tuan pah in zaan ah cachim bawmtu (student guide) ka rak tuan. Ramchung ah cacawnnak a that lo ruangah ramleng chuah ka rak duh i TOEFL zong ka rak phi. A phunphun ka rak tuah i Pathian lamhruainak, chungkhat rualchan bawmhnak le theihhngalh hawikom thawngin London, UK ka phan kho.

CT: Journalism na zirnak thawn kan Chin ram hrangah ziang na tuah thei ding na zum?

Van Biak Thang: Journalism ka cawng bal lo. Online le cauk relnak in ka tuahmi a si i ka tuan pah in ka cawnmi thil a si. Ka tuahmi hi lahkhah pek si loin mah zuamnak lawng a si ko. Hmailei ah caantha caanrem a um ahcun a herhnak paoh ah pehzulh in tuan ding cu ka saduhthah a si ko.

CT: Nan website lam ah kaat sehla, ziangtik ihsin www.chinlandguardian.com nan rak tuah?

Van Biak Thang: Chinland Guardian hi 2001 kum ah rak thokmi a si.

CT:  Nitin visitor (lengtu) mi ziangzat nan nei theu?

Van Biak Thang: Thlakhat ah kan maivan (website) a kan lengtu hi buaktlak (average) in 30,000-40,000 karlak hrawng an si.

CT: Visitor hi na ruah hnakin an mal maw an tam na ti?

Van Biak Thang: Atu tiang Chinland Guardian dirhmun in cun an tam ngai ko. A kapkap in tial kho peng usih law, an tam chinchin ko lai. Tahchunhnak, sipuazi lei, ramkhel lei (political news), zaangleknak lei (sports), nu cawlcanghnak lei (women issues) ti bantukin a phunphun kan tial khawh ahcun a kan lengtu an karh chinchin ko lai.

CT: Chinland Guardian ih a tlaksamnak le a hlawhtlinnak malten in ruah aw?

Van Biak Thang: Thawngpang thanhtu pakhat dirhmun in mipi nih zumh awk a si ding kha kan saduhthah bik a si. Atu tiang kan cawlcanghnak ahcun khuaza thawngthanhtu (international news agencies) nih Chinland Guardian tialmi kha an hman. Naite ah Newsweek zong nih chirhchan (reference) ah a hman. Cun, UN agencies, NGO le cozah pawl nih Chinmi le Kawlram i tlangcungmi kong (ethnic issues) ah an hman. Cu lawng si loin Kawl cozah zong nih an rel ti kan theih caah hlawh a tling ngai ko tiah kan ruat.

Tulai British Foreign Minister William Hague, British Parliament ih an tawn lai - Chin Delegation thawn

Van Biak Thang: Chin mipi ca lawng si loin Kawlram chung ummi le ramleng ummi hna sinah thawngpang thanh khawh peng ding kha a saduhthahnak bik a si ko.

CT: Chin-mi le media na hmuh daan in share bet aw.

Van Biak Thang: Chinmi kan dirhmun zoh ahcun kan cawlcangh ngai ve ko tiah ka ruah. Ramchung ummi caahcun zalong tein le duhning tein riantuan khawh a si lo caah a har ngaingai. Ramleng kan chuahnak zong a sau rih lo nain kan umnak hmun cio in kan rak cawlcang cio i mah hi kan i thoknak a si ko tiah ka ruah. Cucaah, atu lio Chinmi media kan dirhmun hi a note rih tiah kan ti khawh. Hlanlio kan pale chan ahkhan radio le tadinca tiang an rak chuah khawh nain Ne Win nih a hrawh dih hnu ah kum sau tuk media loin kan um tikah a karlak (gap) ah kan thlau than. Cucaah, Chinmi media zong a kapkap in thanchoter a herh i thawngpang a reltu le a zohtu mipi zong kan thancho a herh ngaingai.

CT: News reporter paziat thawn hna nan tuan khawm?

Van Biak Thang: Chinland Guardian nih nihlawh (lahkhah) pek in news reporter a hmanmi cu an um lo nain ramchung ramleng hmun tampi ah thawngpang a kan petu le kanmah nih pehtlaihmi (contact person) kan ngei hna. Chin State chungahcun peng (township) kip ti awkah an um ko. Cu lawng si loin pumpak in a kan bawmchantu le mah tein thawngpang a kan kuatu zong tampi an um.

CT:  CG hin ziangtin Chin-mi hrangah hmalaknak a nei vivo tum?

Van Biak Thang: Chinmi nih kan herh tukmi ‘information gap’ peh khawhnak dingah riantuan le cawlcangh kha ai timh bikmi a si ko.

CT: Thuthang na ngan ih harsa na timi pawl?

Van Biak Thang: Thawngpang pakhat kan sin a phak tikah tam deuh theih duh, a dik le dik lo hlat duh le chek than herh tikah Lai khuate cheu khat ahcun telifon a um lo, internet a um lo i pehtlaihnak ah a har ngaingai. Cucu a har bik pakhat a si. A bikin, thlanglei Laitlang ummi kan unau hna kongah thawngpang hlathlainak ah harnak tampi kan tong.

(Visited 295 times, 1 visits today)

Comments

comments

8 Comments

  1. Rual Van Biak Thang,

    Na interview ka rak siar.
    Na zuamnak pawl a rak nasazet a si.

    Chin mipi hrangah Pathian in lo hmang vivo hram seh.

  2. Siar manhla ee.

    Nan ti tha CT.

  3. A tha ngai.

  4. saya james,, says:

    Van Biak,,,

    Uar na um tuk,,, CG ka rak siar ringring,,,

    Na English ka uar lawlaw,,keimah tla improve nakah ka hmang..

    lungawi..

  5. Van Biak Thang,

    Na thuhla ka rak thei sinsin ih lungawi um tuk.

  6. Ka rak sair ngah ih, tha zang tampi ka ngah…..

  7. Mai Zilthli Lal Nei Thluai says:

    Siar a manhla nasa. Ka siar cu ka rak hlawppi zet.

    Mai Zilthli LNT

  8. Zuam ve duh nak thinlung in pe ve si mw…kei ngelcel…

Comments

%d bloggers like this: