Chindwin Tivapi ṭihnung Dinhmun Ah Um; Chin Ramah Ruah Ceen Ding

Chindwin tivapi cun mipi hrang ih ṭihnung dinhmun tiangin tidai a thleng tiin Department of Meteorology and Hydrology (DMH) pawl in tarlang. Sagaing pengkulh ih Hkamti, Homalin, Paungbyin le Mawlaik khawpi pawl ah a hleice in mipi hrang ṭihnung a siih hihnakin suumpi khat thluk khal a ṭhangbet men thei tiah an ti.

Kalaywah ahcun ṭihnung dinhmmun hminsin hnak ih 2½ft tiang a si hrih ih sml 48 sung zoh rero mi a sive.

Hi tiih tidai ṭihnung dinhmun tiang a kai ruangah Homalin, Hkamti, Paungbyin, Mawlaik le Kalaywa ih um pawl cu ralring zetih um ding ahle thuhla than mi ngai cang dingin ralrinnak khal an suah.

Rampi nikhua tahnak lam ih an zum dan ahcun tuihnu nithum sung tiang Sagaing le Kachin pawl ah ruah a ceen hrih ding tiin an ti. Nikhuat tahnak zung a simi DMH ih an than dan ahcun Myanmra ram hmun hrekkhat pawl ah ruahpi a ceen ding tiin an ti. Ruah a ceen theinak ding hmun pawl cu Nay Pyi Taw, upper Sagaing, Bago, Yangon, Ayeyarwady, Tanintharyi, Kachin, Rakhine, Chin, Shan, Kayah, Kayin le Mon pawl ah a si ding.

Ruah pi lawng siloin thil a cak lam peng 30 ihisn 35 tluk sml1 sungih thleng thei khawpi cak le tisuar a saan lam 6ft – 9ft tluk saang tiang tipi kap ahcun a thleng ding ti in an sim.#

Comments

comments

Comments

%d bloggers like this: