China thilthleng rapthlak bik hrang Jackie Chan in zuknung cang ding

|May 23 : Hong Kong mizuk can thiam le milar Jackie Chan cun linghnin ih a siatsuahnak hmun ka tlawng ih, ninghang tuartu pawl hrangah zuknung ka cangsak ding a ti.

Chan hi zuknung khawlkhawmnak hmun ih milar hminthang a si hleiah Rush Hour ti a cannak ihsin a hmin a tha sin sin. Tui zuknung acan ding mi ah cun a ziaza a thleng ding, ziangruangah tile a khawmipi pawl ih an tuar nak ruangah a si.

Rintlak theihpinak ih an sim dan ah cun May 12 ih Sichuan ramkulh ih linghnin ruangih a thi mi 55,000 lenglo an si ti a si zo. Hi hi China ih thiltheng rapthlak bik a si hrih lai.

“Thaisun ah kawhhmuh tu ding pawl leh, thuanthu ngantu pawl thawn kan tawngaw ding, ziangruangah hi zuknung ka cang duh ti a si le ka thinlung kan nunnak i pemtu thil pawl ruangah a si, thuanthu pakhat hnu pakhat hin ka mithli in ti tla, hi zuknung fehtlangin China ralkap pawl upat tihzahnak le leiltun mipi pawl theihtirnak ka nei duh’ tiin London ih thuthang la khawmtu pawl hnenah lungzurnak thawn Chan cun a sim.

A simbet nakah cun hi zuknung hi harsa bawmnak dinghrangih tuah a si ding a ti bet.

Chan in $US1.5 million in linghnin ninghangtuar pawl bawmnak a nei ih, tlawng inn saknak ding khalah bawm atum bet thu khal a tiam kam.

+++++++++++++++++++++++++++++++++++++++++++++++

Bruce Lee ih inn zuar ding:

Leitlun zuknung cangthiam Bruce Lee a dam lai ih a inn cu tui China ramih linghnin thi pawl bawmnak dingah a neitu Philanthropist Yu Pang-Lin in a zuar tum thu a phuang. 1960s le 1970 lai ah khan Bruce Lee cu a tui an zuar ding mi inn ah a rak um.

+++++++++++++++++++++++++++++++++++++++++++++++

(Visited 150 times, 1 visits today)

Comments

comments

Comments

%d bloggers like this: