China Ram Cun Biaknak Ruang Ih An Kaihmi Pawl Hremnak Danthar Tuah Tum

chinese-christiansBEIJING, CHINA : China ram hruaitu hlun, Josef Stalins cun Mao Zedong a dinnak ih dan a rak tuahmi cu, “ Biaknak thu ruang ih kaihkhih a tongtu pawl cu Labor Camp ah ret an si ding. Ziangahtile, biaknak rukru pawl an si ruangah” timi asi. Hi dan hi 1950 kum ah khan a rak tuah mi asi. Tu ah hin China ram ah Labor Camp an tuahmi hi 350 tluk a um ih, 2008 kum ah a netabik thawngtla an rak siarnak ah mi 160,000 tluk an um.

Cumi zat hnak ih tam hman tu ah an um zumtu khal tampi an um asi. China ram ih Central Politics and Law Commission cun, China rammi, biaknak thu ruang ih kaihmi pawl Labor Camp ih an kuatmi cu sawiselnak tamzet a um ruangah titawp dan ruah asi ding ti in asim. Central Politics and Law Commission ih Secretary Meng Jian Zhu cun, “Kan ramsung ih mi, biaknak ruang ih labor Camp ih kuat mi hi ti tawp ter dan rel asi ih, kan Commission cun lungkimnak kan nei zo.

March thla ih kumtin National Peoples Congress ih tuahmi, Standing Committee tokhawmnak ah relcat asi ding” ti in asim. Labor Camp ih kum 3 le hrek rak tla dahtu Hu Jia cun, “Hi thu kan thei cu lungawi um ngaingai asi. Kan ram ah minung hremnak nasatak peknak hmun asi. Labor Camp lo khal hmun tamtak ah kan ram cozah hin mipi hremnak thawnginn a neilai asi” ti in asim. Himi an pitlin theinak ding hi Christian tamtak ih duhmi asi ih, an puitlin thei asi ah cun, Chiana ram ah tuihlan hnak in Christian pawl in zalennak an neih thei khal an beisei thu a sim bet.

Comments

comments

Comments

%d bloggers like this: