China Ram Computer Network In Ramdang Thu Zoh Thup

March 30,2009
 
China Ram Computer Network In Ramdang Thu Zoh Thup
 
China ramih Computer Network pakhat cun leitlun ram dangdangih Cozah leh pawlkom dangpawlih Office thuhla umdanpawl a thupten a rakzoh sakthei tiah  Canadian Researcher mithiam pawlcun an hmusuak. Hi mithiam pawlhi Information Warfare Monitor (IWM) Ottawa ih um Sec Dev Group leh  University Of Toronto hnuaiih Munlis Centre For International Atudies ih mithiam pawl an siih, hipawl hin China ram Computer Network hna ttuandan hi thla 10 sung anrak zingzawi zoih  China ram Computer Network hin ramdang Office thuthup a rakzoh thupsak ti fiangzetih an theisuak hnuah IWM hin a puangsuak asi.
 
Hi mithiam pawlcun China ram Computer Network hin ram dangdang 103 pawlih  Computer 1295 ih thil umdan pawl a rakzoh thupsakzo tiah an sim. Hi thil an rakzoh thupsakmi pawl sungah Tibet Puithiam Dalai Lama thawi pehtlaih awknak thil Foreign Ministry leh Embassy ih tapawl khal a teltiah an simbet.
 
Himi thu ah hin China ram Cozah a tel leh tello theih fiang asi hrihlo ih China ram Cozah cun himi thu ih a tello thu leh a theipi lo thu a simve. Hi mithiam pawlcun Iran,  Bangladesh,
 Indonesia,   Philip,  Bruni, Barbados, leh Bhutan Foreign Ministry pawlih Computer pawlcu China ram Computer Network hin an rakzoh thupsak mileh a ngai pawimawh mipawl an si tiah a sim.
 
India, South Korea, Romania, Syprus, Malta, Thailand, Taiwan,  Portugal,  Germany, leh Pakistan Embassy Computer pawlkhal an rakzoh thupsak zo mi ah an tel.
 
Lei Tlun Hmun Pawimawh Pawlin Earth Hour Thlawp Tha
 
Tui kandung zarhte zanih Earth Hour hmanmi cu leitlun ram tinkim in an ngai pawimawh zetih Company tumpi Wipro Technologies, Tata Teleservices, Vatika Group Reliance Dhirubhai Ambani Group leh Tata Group pawlkhalin himi tikcucan hmangin Meisa an tithim thluh ih, leitlunih Meisa tithim langsar bikpawl lakah HP, America Express leh Google an tel.
 
Nikum ih Earth Hour hmangih Nazi pakhat sung Meisa an tithim mikhan leitlun boruak tampi a titha manih Energy tamzet a save ih ruah asi. tuikum khalhin Energy tampi a save phah dingah zum asiih  Lei tlun ram dangdang pawlih Energy save danhi theifiang ciah asi hrihlo ih New Zealand cun Power an hmankel theu hnakih 13% in an hmangmalih Dubai in 2.4% Bangkok in 73.34 MW ih mal an hmang.
 
Lei tlun hmun pawimawh leh langsar 371 in Earth Hour hmangin nazi pakhat sung Power an Off ih  cumi pawllakih langsar bik pawlcu    CN Tower(Toronto, Canada)   Empire Building(Newyork, USA)   Sears Tower (Chicago, USA)  Golden Gate(San Francisco)  Sydney Opera House(Sydney, Australia)  Table Mountian(Cap Town, South Africa)  Wat Arun Buddhist Temple(Bangkok, Thailand) Colosseum(Rome, Italy)  London’s City Hall(England) Space Needle(Seattle, USA)  pawl an si.
(Visited 43 times, 1 visits today)

Comments

comments

Comments

%d bloggers like this: