China, North Korea, USA : Ziangtik Lai Caan Khalah Ralpi A Suak Thei

Salai V Bawi Lian

China cun North Korea pawl ih cangvaih dan a zoh ah thinphang za a si thu cu ‘ziangtik lai caan khalah buainak a suak thutthi thei ringring’ tiin ralrinnak a rel. Ralpi a rak suah pang khalah zohman nehtu cu an um lo ding titla in a ti.

China Foreign Minister Wang Yi cun US pawl ih an auaw suah mi North Korea pawl pariih a seherhnak le a thinphanpinak thu pawl cu a sim. ‘Thuhla pehpar mi zaten cipciarzet in daithlangloten kan ngaihven ringring a tul a si’ titla in a sim bet.

Hi tiih a simnak san khal President Donald Trump in mani sun tlawngkai nili, April 13, Thursday ni ah “North Korea ih buainak pawl kan ngaihsak a tul” tiih a sim mi ruang khalah a si tin BBC in a tarlang. US in a raldonak ralthuam tuum pawl phurnak longtuum cu Korea tipi vaukam lam pan in a rak thlah zo fawn.

Trump ih thusimmi cu tuni Friday, April 14 ah North Korea pawl cun ‘zangfahnak telloin kan rak kham ding’ tiin an rak let.

US ih a thinphanbik mi pakhat cu N. Korea in Nuclear dang puahsinnak a nei sal ding tihi a si. US le China hi N. Korea thu ah an tangtlang ih kan dungzarh lamah Florida ah China President Xi Jinping thawn lungkimtlangnak khal an rak tuah. An rak tuah mi lungkimnak ah N. Korea tlun ah sumdawnnak lam ih rikhamcin tuah ding pawl a tel.

Tui’ US le N. Korea thu ih China a lungphanbiknak pakhat siih lang mi cu buainak a suah pang ahcun China ramri ah buainak dang raltlan harsat buainak dang suak bet ding ti lungphannak pawl a si.

China cun lungphannak dangdang pawl nei phah cing cun N. Korea hnenah sumdawnnak lam ih rikhamnak hrang Air China vanzam Beijing le Pyongyang karlak ih zuang pawl cu veilekhat ih thlengcih (direct) mai nawn lo dingin April 17 ihsin khamnak a tuah thok.

Cumi laiah leitlun piih an thinphan mi pakhat cu North Korea in a veiruk (6)nak nuclear hi tui zarhte ni an lal hmaisabik Kim II-sung ih a kum 105 kim ah an puah sin ter pei maw timi hi a si. Hi mi ruangah US in hitih a hringhronak bik khal a si an zum cio.

North Korea’s Deputy Foreign Minister Han Song Ryol hi US president Trump in North Korea tlun ih a cangvaih dan hi midang ziangsiarlonak le hngalhngonak a si tiin a ti.

North Korea thawi naihniam awtu pawl ih an sim dan ahcun ‘thermo-nuclear ralpi’ hi ziangtik lai caan khalah suak thei a si tiin ralrinnak a rak sim.#

– Agencies

Comments

comments

Comments

%d bloggers like this: