China Leh US

NASA In Kap Suak
 
NASA Vansang lawng Atlantis STS-129 cu Florida Cape Canaveral ih Kennedy Space Centre ihsin kahsuak a siih, Hi Vansang boruak lawngah hin Vansang boruak thil umdan hung zirtu ding minung 6 an to ih Vansang boruak ah ni 11 sung an hung um ding.
 
Vansang boruak ih an hung um sungah International Space Centre ih hman ding thilri pawl an hunret ding, Hi Vansang boruak lawnghi nazi 1 sungah Km 24.000 ih cakin a zuang. Tuikum sungih NASA in Vansang boruak lawng an kahsuak netabik mihin  a rung ttum thlak sal lamah US mi Vansang boruak umdan zirtu Nicole Atott, tui ISI in umlai cu arun phur thla thungding.
 
China Leh US
 
China President, Hu Jin Tao leh US President, Obama cun  China ram khawpi Beijing ih Tignanmen Square Sira Great Hall Of The People an timi hmunih an kawmawk nakah China leh US cun leitlunih harsat nak phunkim langsar pawl tuah ttha dingih hna ttuan tlang an tumthu an puang.
 
Hi ram pahnih hruaitu pahnih hin thil pawimawh dangdang an reltlangih tlunah leitlun boruak hlum caktuk kilhim tlang danding leh  North Korea Nuclear ralthuam thuhla khal an  reltlang tel. China President, Hu Jintao cun Nuclear ralthuam thuhla reltlang dingin North Korea cu sawmsal a duhthu a simih, sumdawn naklam ih hremnak pek cu a dikbiklo ding a ti.
 
Obama cun tui dinhmunih leitlun sumapi dinhmun tlasia harsat nak leh  boruak hlum caktuk pawl kilhim nakdingah cun ram pakhat lawngih tithei dingci a silo a ti, Obama cun tui ram pahnih an biakawk nakah  Politics lam zianghman a tello a ti.
 
Presdent, Obama cun Tibet ram thuhla rellangin  Tibet Buddist sakhua hruaitu Dolai Lama cu China ram Cozah thu neitu pawl thawn biakawknak neisal haisehla a duhthu a simih, Asinan China cun Dolai Lama cu an ram sahthlak sak tumah an puh ringringih nikum ih an biakawknak khalah zianghman hma sawnnak thil a umlo thu an simve.
 
President, Obama hin tuisun ah China ihsin  South Korea a panding.
(Visited 57 times, 1 visits today)

Comments

comments

Comments

%d bloggers like this: