China Leh Taiwan

China Leh Taiwan

 
A liamcia kum 60 ihsi rak tthenaw ram ngaih awlo zet China leh Taiwan cun kum 60 hnuih a voi 1 nak ram pahnih sundawn tonawknak thutiam cu mizan sunah an tuahtlang. Hi an thutiam tuahmi sumdawn tonawk nak thuah  ram pahnih karlakih sumdawng pawl hnenih Tax lak micu timal a siding tihi an thu pibik a siih, Himi sumdawn tonawk nak thutiam an tuah mihi Dollar Billion 110 man hrawng a kim dingah zum a si.
 
Hiti vekih ram hua awzet China leh Taiwan sumdawn tonawk nak thutiam an tuahsuak theinak sanhi, a liamcia kum 2 ih Taiwan President, ih an hriltlin mi Ma Ying-Jeou ih hna ttuannak ruangah a si tiah an sim.
 
Himi remawknak thutiam an tuahmi hi Taiwan hrangah dinhmun thasawn an co dingih ruah a siih, Asinan  China in tuihlan ihsi a rak tumtah ringring mi Taiwan ramsung Politics dinhmun ih thu neih a tumnak cu a hlawhtlingter a zum ruangah  Taiwan thawi sumdawn tonawk nak thutiam a tuahpi duh ih ruah a si.
 

US Ah Russia Intelligence An Kai

 
 
US ah Russia ram hrangih zohthup thlingthla tu minung 10  FBI pawlin an kai. US Justice Department in a sim nakah, hi an mi kaihmi pawlhin US Nuclear thuhla, US ralthuam retnak hmun, Iran thuhla ih US thu reldan, White House thurel mi pawl, CIA hnattuan dan leh US Politics dinhmun pawlcu Russia Cozah hnenah an kuat thuptheu tiah a sim.
 
Tu khalah midang 11 rinhlelh mi an neih laithu khal a simih, Tui an kaihmi pawlhi Russia  Foreign Intelligence Service (SVR) pawlin  Ca pawimawh a thuptei kuatruk dan leh, US ram dinhmun an theih  duhmi pawl a thuptei kuatdan pawl an zirter mi pawl an si tiah an sim.
 
Hi an kaihmi pawlhi New York Court ah an thuhla relsak an si dingih, FBI pawlcun an mi kaihmi pawllakah hminlem hmangih US ih um hmunkhuar an um tiah an simih, an mi kaihmi  minung 2 hnenihsin  Russia ramih thuthup an kuatnak ca pawlkhal kaihsak an si tiah an sim.
 
Himi laiah Russia  Foreign Ministry, Thupaungtu, Igor Lyakin Frolov cun  Russia ramhrangih zohthuptu ih an puhih US ih an kaihmi pawlhi Russia Cozah in zianghman  theihpi nak a neilo ih, hi pawlih thuhla hi Russia Cozah cun nasa zetin a zingzoi ding a si tiah a sim.
 
(Visited 36 times, 1 visits today)

Comments

comments

Comments

%d bloggers like this: