China in US Thuphan Per A Puh

China in US Thuphan Per A Puh

US thuthangca pakhat New York Times in a tarlangmi ah Pakistan ram uksung Jammu and Kashmir, Giljit Baltistan bialah China in a ralkap 11.000 a ret tiah a tarlangih, himi thuhla fiangtei theih tumin  China ramih India ram Palai S Jaishankar cun mizansun ah China Foreign Affairs Vice minister, Zhang Zhijun a kawm.
Himi thuhla ruangah tuizarh tlawngkai nihnih khalah India Cozah Cabinet Committee on Security (CCS) cu Prime Minister, Manmohan Singh ih hoha nak in tonkhawm awknak an rak neizo.
China Foreign Affairs Vice Minister, zhang Zhijun cun  Pakistan ramsung J&K ah China in a ralkap a ret tiih  US in a rel micu thuphan a perih, himi hmunih hnattuan pawlih thanso nakdingah China mi pawlin an bawmmen sawnmi a si tiah a sim.
China Fireign Ministry, thupunagtu Jiang Yu khalin  New York Times ih thusuah micu Pakistan, China leh India karlak siatsuah leh thenthek awknak a tuah duh ruangah a siih zumtlaklo thuphan thu a si tiah a simve.
China ramih Pakistan ram Palai Masood khalin  Giljut Baltistan kiangkap ah China ralkap an umlo ih, himi hmunih China mi umcu tui naite ih Pakistan ram tilian ruangih harsak nak tuartu mipi pawl bawmtu an si tiah a sim.

US Ah Vanzam A Tla

Mizanzing ah khan  US California State ih San Francisco tipi kapah  Vanzam fate RE Borrmann’s Stell Company ta cu a tla ih, a sungih to minung 3 an thi. Hi Vanzma hi San Carlos Airport ihsi zuangsuak a siih a zuansuak hnu reilo te ah a tla. Hi Company neitu Robert Borrmann kum 92 mikhal a tlathat lakah a telve. hi Vanzma tla sungih nunau pakhat ruangcu laksuahzo a siih, midang 2 cu Vanzam sungaha n umlaiih, tipi sung ihsi Vanzam laksuah hnuah mithi ruang pawlhi zohfiang an si leh ding.

Isreal Leh Palestinian  Zarh Hnih Hnu Ah Be Aw Sal Ding

Relzo vekin Isreal leh Palestinian karlak rualrem awknak hawlih Isreal Prime Minister, Banjamin  Natanyahu leh Palestinian Authority President, Mahmoud Abbas in US Washington DC ih tihni sunih biakawk nak an neih micu an thu a hmu aw theilo ih thu mumal relsuak mi neilo in an tawpih, tuithla ni 14-15 ah biakawk nak an neisal ding tiah US Department thupuangtu PJ Crowley cun a sim.
Middle East Special US Envoy, George Mitcell in a sim nakah Isreal PM leh Palestinian President, hi Septembet ni 14-15 ah biakawknak an nei sal dingih zo veve khal an duhdanciah a silo hmanah an karlak rualrem awknak umthei dingah an ngaihdan leh an duhdan an ti danglam thei veve a ttul ding a si tiah a sim.  an biakawk nak ding hmuncu an simfiang duh hrihlo ih,hi an biakawk nak ah hin US Secretary of State, Hillary Clinton leh George Mitcell khal an tel salding.
Hi Hruaitu pahnih biakawk nakih an thu a remawk theilo nak san bikcu Palestnian President Mahmoud Abbas cun Gaza Strip ih Isreal pawlin umnak ding Inn an sak rero laimi an bansan hmaisak leh West Bank ihsi Isreal pawl an suah hmaisak cu rualrem awknak lamzin tumbik a si tiah s imih, himi laiah Isreal Prime Minister, Banjamin Natanyahu cun himi kiangkap ih Isreal pawlcu Palestinian pawllak ihsi an him a si ah cun rualrem awk theilo nakding zianghman a umlo tiah a tive.

Comments

comments

Comments

%d bloggers like this: