China In Misual That Tam Bik

March 25, 2009
China In Misual That Tam Bik
Amnesty International Survey Report in a tarlang nakah Misual thiamlo cotermi pawl thah theinak danhi leitlun ram 59 in an neiih  nikum 2008 sungah khan himi danhi leitlun ram 25 in an hmang. Nikum 2008 sungih misual thiamlo cotermi thahzat cu 2390 an siih, Misual thah dingih thurel catsakmi 8867 an kim.  Kum 2007 ah khan misual thiamlo cotermi thahzat cu  1252 an siih  Thah dingih an thu relcat sakmi cu minung 3347 an si,
Misual that tambik ramcu China asiih Nikum sungih a mithahzat hi Record a puangsuak duhlo nan Tursi ih a dawhthat mi leh Meithal ih a kahthat milawng hmanah minung 1718 an si tiah Amnesty report cun a tarlang. Misual thiamlo coter mi thahnak record neithabik US cun Nikum sungah khan minung 37 a that, tiah Amnesty report cun a sim.
Amnesty International Secretary General Irene Khan cun misual thiamlo cotermi rapthlak zetih thah Lu tansak, Lungto ih denthat, Electric ih nawhthat tivek pawlcu hmangnawnlo dingin a duhthu a sim. Misual thah theinak danhi ram 59 in an neinan a hmang taktak cu an mal vivo thlang tiah asimbet.
South Africa In  Dolai Lama An Ram Lut Ter SiangLo
Kum 2010 ih World Cup Football South Africa ih thlengdingmi thlirtlang nak dingih Peace Conference ih telve tumtu  Tibet ram Biaknak lamih an hotupa Dalai Lama cu  Africa in an ramsungluh ter an sianglo ih  an ramsung luhthei nak Visa khal an peduhlo. South Africa President thupuangtu cun  China leh Tibet buainak ruangih milangsarzet Dolai Lama an ramsungih a luh asi ah cun  2010 ih World Cup tuahdan dingah boruak a se zawngin a her aw pangding ti phannak ruangah a si a ti.
South Africa hi Africa rampumpi lakih China thawi pehtlaih awknak leh pursum leilawn naklam ih rualpi ttha awbik ram an siih Nikum sunglawng hmanah an sumdawn tawnawknakhi US dollar Billion 10 hrawng a si. South Africa ramih Dolai Lama luhter an sianlo ruangah South Africa Archbishop Desmon Tutu cun  Peace Conferebce ih a teltumlo thu a puangcih ih. South Africa Cozah thupuangtu cun Dolai Laima an ramih an luhter sianglo naksan cu World Cup tuahnak ding thuhla ah boruak nuamlo zawngih thilthleng theiding a um an phanruangah  asi tiah a simih China thu rawnpek nak ruangah asi leh silo cu fiangten a rel fiang duhlo

Comments

comments

Comments

%d bloggers like this: