China ah mi 2 thi dingin daan tat an si

Zheng Shuzhen, center, the grandmother of a baby who died after ...

22-01-09: Chinese Court cun Tian Wenhua (66) le Zhang Yujun (40) cu thi tlak an si tin an thuhla a relsak. Nu sual a si tiih an phuan mi Tian Wenhua hi China ram ih Chaiwoman of Sanlu Group ah hotu sang sinak a rak kai zo tu pakhat a si.

Tian hi kan dung December thla ihsin cawhnawi in thalo le a dang rit theihthil a tuahmi cawlsan dingin palit pawlin an rak sim zo nan a rak zawm duhlo. Court cun Tian lawng siloin a dang Zhang Yujun khal thi ding in a thuhla a rel sak thotho.

Zhang hi China ram sung rittheihthil dawr nasa tak neitu pakhat a si. Kan dung June thla ahkhan a pi nu rori cu a zuarmi cawhnawi a in ruangah a rak thi zo.

Palit pawl cun Tian Wenhua le Zhang hin cawhnawi ah sivai thalo an thlak tin an phuang. Tian Wenhua le Zhang Yujun hin nauhak (6) pawl ih nunak an liamter ih a dang nauhak 300,000 pawl khal thi zikte in an khawsa ter. Court cun hivek thil thalo an tuah ruangah thi ding in a thu a relsak lai a si.

Mi dang 21 pawl khal himi thuhla an  telih rungah kaih an tuar ih an thuhla rel a si cih ding. Cun, Yanzhang Zhang Yujun ih hna tuanpi Zhang Yanzhang (24) khal damsung thawng ih thlak dingin a thuhla relsak a si.

Culo, mi (3) pawl khal kum (15) sung thawng tla ding in an thu relsak thotho an si. Innsang 200 pawl cun hivek thihnak thlentu company le a hna tuan pawl cu $160 lenglo kuan dingin acozah an nawr; cumi hleiah an fate damlo pawl hrangah enkawlnak dingah sumpai tampi an dil bet.

Inn sang tampi cu rorelnak Court, khawtthler hmaiah an pungkhawm aw ih Tian le Zhang thi tlak an si tin sandahpiahnak an va nei. Nupi nu pakhat a fate ih a thisan mi tla cun “Thu dang rel a tul lo, pistol ih kah thah cih ding si si” a ti.

Comments

comments

Comments

%d bloggers like this: