China Ah Cakzet ih Tlan Theinak Tlangleng Zin Ong Ding

hi_speedLeitlun ih high-speed tlangleng tlannak zin saubik, Tuluk khawlipi Beijing ihsin Guangzhou thleng, cu hnaṭuannak business hrangah hmai a ra dingmi December 26 an on thlang ding thu rampi nitin thuthang media cun mani Zarhteni, 15.12.12, ah a than.

Cuih tlangleng zin ih a tlanmi tlangleng a cakdan hi,nazi pakhat ah 300 kilometres (186 miles) a si. Cuticun khualtlawng sukso pawlin nazi 22 an rei ṭheumi kha nazi 8 lawng rei in an thleng thei ding.

Atu December 26 ih an on ding taak cu 2,298 kilometre a sau ih colhmun 35 ah a ding ding. An dingnak ding khawpi thupi zetmi hrekkhat pawl cu Zhengzhou, Wuhan and Changsha pawl tla an si.

Cumi ni kherkher an hrilnak san cu, Tuluk mi lakih hruaitu mi langsarzet a simi Mao Zedong ih suahni thawn deng-aw dingin an hrilhrimmi a si.

Tuluk ram ih high-speed tlangleng pawl hi 2007 lawngah an sak thokmi a siih, makhatte sungah leitlun ih a nasabik ah a cang. Ziangahtile, 2010 kum cem zawngah 8,358 kilometres an tuah thei cih ih, cun 2020 ah ahlan hnakin a lethnih 16,000 kilometres kim dingah an tumtah fawn a si.

Tuluk ram ih tlangleng in ziangtluk rin a um ti thu ah kan dung July  2011 ah mi 40 thi tiangin accident an tong dah.

Comments

comments

Comments

%d bloggers like this: