Chin Youth Conference USA Ah Nei Ding; Chin Thangṭhat Biakkhawm Hlathar Suah Ding

zuk: Chin Christian Youth Combined Worship Service, Melbourne

zuk: Chin Christian Youth Combined Worship Service, Melbourne

Chin Baptist Association, North America pawl ih tawlrelnak le hohanak in July 3-5 tiang USA, Oklahoma khawpi ah Chin Youth Conference (CYC) neih tum a siih Hill Song ih hla hruainak ih tel David Kim le Myanmar ram ih Awnmawi tum thiam Chin mi, Salai Cung Awng, Salai Johan pawl in an tel pi ding.

Hi khawmpi densan in Leitlun pumhuap Chin miphun ih hman thei ding mi ṭhangthat biakkhawmnak hla thar (Praise and worship) hla khal tlangzarhnak le zirnak khal neih cih tum a si thu CBA, NA sungtuan Pastor Sa Tin Lal cun Chinland Today Media hnenah a sim.

‘Hi mino khawmpi ah tulai santhar mino pawl ih Pathian thangṭhatnak hlathar pawl thawn hlasaknak tlangnak le thangṭhat khawmnak kan nei ding. Awnmawi zirhawknak le santhar thangṭhat khawmnak ih cangvaih dan pawl khal zirhawknak kan nei ding’ tiin Pastor Tin Lal cun a sim.

CYC ah kohhran le pawlkom 32 an tel ding.#

 

Comments

comments

Comments

%d bloggers like this: