Chin Tlangval Malaysia Inn Sang Dot 22 In Tla : Tul Hrim Mi A Si Thei!

Salai Za Hlei Sang, 22

Salai Za Hlei Sang, 22

Van Bawi Lian

November 16, 2014

Malaysia ih beunak hawl ih um Salai Za Hlei Hmung, kum 22 cu November 14, 214 tlailam 9:30 hrawngah Malaysia Taman Sungei Besi ih inn thuah dot 22 ihsin a tla ih a hmun ah nunnak a liam cih. A kiangih a rualpi pawl in a tlak daan thu ah tul tlak mi a si an zum.

‘Tlailam khawmnak ihsin a suak ih malte zu a nam deuh cia, cutin Taman Sungei Besi inn thuah dot 22 nak ih kawl dawr ahcun a feh. Kawl pawl thawn malte an tithiam awlo. A rualpi pa (3) pawl cun karbak lehlam hoiin an to ih an rakngaihsak lemlo. A va so salih cutin a tlak zawng lawng an hmun thu in sim’ tiin Falam Refugee Organization Coordinator Salai John cun a sim. ‘A tlak liam zawng cu a rualpi pakhat in a hmuh thu a rel ih mahte tlak theinak ding ci a silo ruangah tul mi khal a cang thei’ ti tla in a rual pi pawl in an zum thu khal a sim tel bet.

Salai Za Hlei Hmung hi Ramtho khua ih Pu Ngun Tluang Lian le Nu Ngun Vel te ih fa 8 lakih mipa upatbik a si. Kum 2012 ah Malaysia a thleng ih a naunu Mai Lal Nun Mawi thawn hnaṭuan in an um. United Nation pompinak ca kai zotu khal a siih CRC sungtel khal asi.

‘A ruang hi November 17, 2014 ah lak theih a si ding tiah CRC hotu lam cun insim ih a vuinak khal hman a si cih ko ding tiah ka zum’ tiin Pa Neih Hre, Ramthlo khua pawlkom ih sungṭuan bawmtu cun a sim.

Tu a ruang hi UKM sizung ah ret a siih a thuhla hi ziangvek cekci in zingzoi a si ding tihi fiang felfai ten theih a um hrih lo.#

Comments

comments

One Comment

  1. Pakhat an ngannak ah le unau 11 an si ih a u ah panga anau ah panga an um tin an ngan I, hinahah le unau fa 8 lak i u pabik nan ti fawn nan thuthang cu ziangmi si a dik sawn ding

Comments

%d bloggers like this: