Chin State Ih Kalbak Saubik Falam Ah Remsuak

CT | June 8, 2012

Global Falam Youth Organazation (GFYO) pawlih hoha nakin pi 440 sau kalbak Chin State ih Kalbak saubik cu tuah suak a si tiin thuthang kan ngah. Hi kalbak tuahnak dingah Kawlram paisa Kyat in ting 40 tluk cem ih tuahmi a si. May 7, 2012 ihsin District lam, Mah-yah-kah le Municipal pawl hnen ih siannak ngah a si hnu lawngin remthok mi a si. Cambari veng Rev . Don Hre Dun te inn hmai in a thok ih thlang lam ziin pi tiang tlang verver ih tuah remsal asi.

Khua hlan lai ihsin himi ziin hi remtu um lo in an ret theu men mi a si. Fur caan ah tlawngta pawl tlawng an feh tikah an zonzai ringring. Laimi sungah mifim-mi tawk tampi rak hrilsuaktu, hmaisa bik high school tlawng sunloihnak ah kan tuahmi a si tiin GFYO hotu-sang Salai Phun Hre Mang cun a sim.

Zuk : Falam Thuthang

Tu hi kalbak leh zin kan rem theh zo nan Lihong kan tuah theh hrih lo ih nasaten kan zuam rero lai. Kan theh thluh hnu ah onnak khal sunglawi zet in kan tuah lai ding ti khal cun CT palai hnenah a sim. Himi thil tuahsuaknak dingih sumpai thawhtu GFYO sungte pawl, BEHS 1 tlawngta hlun pawl le duhsaktu rualpi dang pawl, nihlawh pek ih tuantu Cambary veng mino pawl parah simcawk lo lungawinak kan nei ti khal cun a sim bet.

GFYO hi 2011, Feb (20) ah ram le miphun hrang thei tawk zuam ding, ruahsannak thawn dinmi a si. www.gfyo.org ah an hnatuannak leh antuah mi pawl zohthei in a um.

Tuahhlan ih zuk pawl zoh duhtu hrangah : http://www.gfyo.org/cangvainak/18-behs1-tlawng-zin-zuk.html

(Visited 143 times, 1 visits today)

Comments

comments

5 Comments

  1. GFYO,

    Nan ti ttha tuk. Lungawi um. Zuam sinsin uh, ramleng lam khalin kan lo ttanpi vivo ding. Ke rori ih rak pal ka cak zet. Caanttha hersuak leh hram seh law..Falam ngaizettu….

  2. Tawlreltu pawl,

    Nan tuah ropi tuk.
    Nan baang zet ding.
    Karbak pawl zuk ka zoh rero.
    Ka diriam tuk.

    A mawi tuk lawmlam ee.
    Aizawl ih karbak pawl vek a si.
    The great wall of China vek tla i ruat suak tir.

    Khatluk sau kan lawn ahcun kan pheiphawng a khaal ttelttel thluh ding ka zum.

  3. Falam khua an tung ding tum sal a bang.

  4. Pathian in lo thlawsuah seh, ‘thatnak cu tundin ringring ding .

  5. Nan ti tha nasa, Pathian in lo hruai hram seh.
    Kalbak kai ve ka tum ding.

Comments

%d bloggers like this: