Chin Rock Siangpahrang, Solomon Menrihai Pathian Hnaṭuan A Thok

Solomon Menrihai

Solomon Menrihai

Solomon Menrihai Chin Rock Siangpahrang cun, ‘In Runtu Bawipa Thangṭhat Lo cu ka hrangah nun man a um lo’ tiin Pathian hnaṭuan a thok.

‘Pathian hnen ihsin rundam fiangnak, ka rak ngahnak cu a rei zet ko. Asinan amah hrang nunpe in ka rak nung dahlo. Duhdawtnak hla sak hi a sual ka tilo. Tu ahcun Amah hrang ih hnaṭuan le thangṭhatnak hlasak lo hi cun nun man neilo ka si ding. A rem thiam lo’ tiin Chinland Today Media hnen ah a sim.

Kan dung kum September thla ih Saya France camping nak ihsin ṭhangharnak a ngah ih cutin tuini tiang Pathian hnaṭuan peh zom vivo in Thuthangṭha simtu pawl ih dung thlun in hlasaknak lamah nasa zet in pum a pe aw.

‘Suncung Camp an tuah nakah feh menmen dingin ka um. Singer an rak neilo ih cutin hlasak lamah keimah in hmang, Pathian hnenih ṭhangharnak ka ngahsal ih, curuangah Amah hrang ih nun hi ka tum a si’ titla in Solomon Mang Tin Sawn cun a sim.

Solomon hi 1998 ah Pathian zangfah rundamnak cu Saya Zaw Win ih zirhnak ihsin a rak theihfiang ngah. Tu khalah ‘Pathian mi si hnu ah Thlarau mi si a ṭul’ timi pawl zir bet vivo in a thlarau lam ih pa Saya Zaw Win hnenah thuzirnak le thangṭhatnak hla sak in caan a hmang rero lai.

Solomon le Saya Zaw Win

Solomon le Saya Zaw Win

(Visited 1,614 times, 1 visits today)

Comments

comments

Comments

%d bloggers like this: