Chin Ramkulh Vice President Henry Van Thio In Vehvai Ding


Myanmar rampi Vice President II Pu Henry Van Thio cun Chin ramkulh peng 5; Falam, Tonzang, Tedim, Hakha le Thantlang pawl ah mipi tonnak neiin a vehvai ding. A tlawn ding tik le cu hi acozah lam ih an than lo ruangah a fiang hrih lo ih reltheih a si hrih lo nan February thlathok a si ding zum a um.

Vice President II Pu Henry Van Thio hin a suahnak hmun Tikir khal tlawn a tum ih a helicopter tumnak ding hmun hrang khal an sial thluh zo tiin The Chinland Post cun a tarlang.

Falam khawpi ahcun, senpi inn ah mipi tonnak anei ding tiin thuhla a um ih, Sia thawn mipi pawl in hmuahnak sunglawi zet ih neih tum a si titla in thu kan dong.

Falam Puaipi khalah Pu Van Thio hi sawm mi a siih a tel ding le ding lo thu hi Falam Puaipi camgsuak committee hnen ihsin kan thei ngah hrih lo. Thuhla kan dondan a si ahcun Falam puaipi ah Myanmar rampi hotu Daw Aung San Suu Kyi, President U Hthin Khaw, Vice President le ramri thu ih tlangbawi pawl khal sawmcih ansiih an tel ding khal ruahsannak tam zet aum.#

Comments

comments

Comments

%d bloggers like this: