Chin Ramkulh Rorel Innpi Thurelnak An Thok; Pu Lian Luai In Kai Hruai

Chin Huattaw meeting thok Zuk: The Chinland Post

Chin Huattaw meeting thok thukam lak lai.
Zuk: The Chinland Post

Chin ramkulh rorel inn pi thurelnak cu tuini February 8, 2016 zinglam sml 10:00 ihsin an nei thok ih rorel inn hotu lu Pu Zo Bawi le a bawmtu Pu Aung Taan sinak nemhngetnak le thukamlaknak khal an nei. Hi thukam laknak le rorel inn thurelnak hi Pu Lian Luai in a kai hruai.

A tumhnihnak ih a veikhatnak Chin ramkulh tlangbawi thurelkhawmnak ah mipi aiawh hril tlin mi MP (18) le ralkap palai in thlah mi MP (6) pawl an tel thei tiah The Chinland Post cun a tarlang.

12646860_1194646427229944_5790901453986617808_o

Falam MP, Pu Lian Luai ih Chin ramkulh Hluattaw meeting kaih hruai lai

Hi thurel khawmnak ah Pu Zo Bawi le U Aung Taan in Pu Lian Luai ih kaihruainak in a hmai ah thukamlaknak annei ih cuntin thurelnak cu Pu Zo Bawi in a kai hruai. Cutin bur zuknak le tuanvo thlengawknak pawl in caan an hmang.

A vei hnihnak thurelkhawmnak hi ziang tik cekci ah an nei ti theih fiang a si hrih lo. Thuhram laknak ih a tarlang dan ahcun Chin ramkulh Chief Minister ding cu NLD party sung ihsi hril dingin thutluknak kan nei zo tiin Chin ramkulh Hluattaw hotu Pu Zo Bawi cun a sim.

Ref: The Chinland Post

Comments

comments

Comments

%d bloggers like this: